ރާއްޖެ އިން މި އަހަރު ހައްޖަށް ދިޔަ މީހުންނަށް ހާއްސަކޮށްގެން އައިޖީއެމްއެޗްގައި ފްލޫ ކްލިނިކެއް ހުޅުވައިފި އެވެ.
އައިޖީއެމްއެޗުން ކުރި ޓްވީޓެއްގައި ބުނީ ހައްޖުންއަންނަ މީހުންނަށް ހާއްސަކޮށް އެ ހޮސްޕިޓަލުގައި ކްލިނިކެއް ހުޅުވުނު ކަމަށާއި މި ކްލިނިކުން ކޮންމެ ދުވަހަކު ވެސް ލޭ ނަގައި ޓެސްޓުކޮށް ބަލި މީހުންނަށް ފަރުވާދޭނެ ކަމަށެވެ.
އެ ހޮސްޕިޓަލުން ބުނީ ބުނީ ހައްޖުން އެނބުރި އަންނަ މީހުންނަށް ހާއްސަކޮށް ފްލޫ ކްލިނިކް ހުޅުވީ އައިޖީއެމްއެޗްގެ ކޮންސަލްޓޭޝަން ރޫމުގެ 10 ވަނަ ނަންބަރުގައި ކަމަށެވެ. އަދި އެތަނުން ޑޮކްޓަރަށް ދެއްކުމާއި ލޭގެ ސާމްޕަލް ނެގުމުގެ ހިދުމަތް ލިބޭނެ އެވެ. ފްލޫ ކްލިނިކްގެ ހިދުމަތް ދޭނީ ކޮންމެ ދުވަހެއްގެ ހެނދުނު 8:00 އިން ރޭގަނޑު 8:00 އަށެވެ.
ހައްޖުގެ އަޅުކަން އަދާކުރުމަށްފަހު ރާއްޖެ އައި މީހުންގެ ތެރޭ ހިމެނޭ ރާއްޖޭގެ ފުޓްބޯޅަ ލެޖެންޑު މުހައްމަދު އާރިފް (ބަކާ) ވަނީ ނިޔާވެފައެވެ. އޭނާ ނިޔާވީ މެނިންގޯކޮކަލް ކިޔާ ނުރައްކާތެރި ބައްޔެއް ޖެހިގެންނެވެ.