ރާއްޖޭގައި އާރުލާ ހަރުދަނާ ޖީލެއް ބިނާކުރުމަށް ކޮންމެ މާމައަކާއި ކާފަޔެއްގެ މަގުދެއްކުމާއި ނަސޭހަތް ދިވެހި ޤައުމަށް ބޭނުންވާކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރާއްޖޭގައި ޤައުމީގޮތުން މާމަ ކާފަ ދުވަސް އެންމެ ފުރަތަމަ ފާހަގަކޮށްފައިވަނީ 1 ސެޕްޓެމްބަރު 2020 ގައެވެ. އޭގެފަހުން ކޮންމެ އަހަރަކުވެސް ސަރުކާރުން ދަނީ މި ދުވަސް ފާހަގަކުރަމުންނެވެ. މި ދުވަހަކީ ކާފަ އާއި މާމަ އާއިލާތަކަށާއި މުޖުތަމަޢަށް ކޮށްދެއްވާފައިވާ ޚިދުމަތްތަކަށް ޝަރަފުވެރިކަން ދިނުމާއި އުފާފާޅުކުރުމަށް ޚާއްސަ ދުވަހެކެވެ. އެއީ ކާފައާއި މާމަ ފޯރުކޮށްދޭ ޙިކުމަތާއި ލޯތްބާއި އެއްބާރުލުމުގެ އަގުވަޒަންކުރާ ވަގުތެކެވެ.
ރާއްޖޭގައި މިފަދަ ދުވަހެއް މިއަދު ފާހަގަކުރާއިރު، އުމުރުން ދުވަސްވީ މީހުންނަށް ހާއްސަކޮށް ސަރުކާރުން ގެންދަވަނީ ގިނަ މަސައްކަތްތަކެއް ކުރައްވަމުންނެވެ. އެގޮތުން 2008 އަހަރުން ފެށިގެން އުމުރުން ދުވަސްވީ މީހުންނަށް ދޭ އިނާޔަތާއި، އެކިއެކި ހިދުމަތްތައް ހޯދުމުގައި އުމުރުން ދުވަސްވީ ފަރާތްތަކަށް ދޭ އިސްކަމުގެ އިތުރުން، އުމުރުން އުމުރުން ދުވަސްވީ މީހުންނާއި، ނުކުޅެދުންތެރިކަން ހުންނަ ފަރާތަތަކަށް ހާއްސަ މަރުކަޒެއް ހުޅުމާލޭގައި ތަރައްގީކުރުން ހިމެނެއެވެ.
ތާރީޚާއި އަސްލު
އެމެރިކާ: ކާފަ އާއި މާމަ ދުވަސް އެންމެ ފުރަތަމަ ހުށަހެޅީ ވެސްޓް ވާޖީނިއާގެ ގޭތެރޭގެ އަންހެނެއް ކަމަށްވާ މެރިއަން މެކްކުއެޑް އެވެ. އޭނާ ބޭނުންވީ އާއިލާތަކުން ނާސިން ހޯމްތަކުގައި ތިބި އުމުރުން ދުވަސްވީ ގާތްތިމާގެ މީހުންނަށް ޒިޔާރަތް ކުރުމަށް ހިތްވަރު ދިނުމަށެވެ. މި ޚިޔާލަށް ގައުމީ ސަމާލުކަން ލިބުނުއިރު، 1978 ވަނަ އަހަރު ރައީސް ޖިމީ ކާޓަރ ވަނީ ލޭބަރ ޑޭއަށްފަހު ފުރަތަމަ ހުކުރު ދުވަސް ޤައުމީ ކާފައާއި މާމަގެ ދުވަހުގެ ގޮތުގައި ކަނޑައަޅައި އިޢުލާނެއްގައި ސޮއިކޮށްފައެވެ.
އެމެރިކާގައި ކާފައާއި މާމަގެ ދުވަހުގެ ވަކި ތާރީޚެއް ކަނޑައަޅާފައިވާއިރު، އެހެން ޤައުމުތަކުން އެކި ތާރީޚުތަކުގައި ފާހަގަކުރެއެވެ. މިސާލަކަށް އިނގިރޭސިވިލާތުގައި އޮކްޓޯބަރު މަހުގެ ފުރަތަމަ ހުކުރު ދުވަހު ފާހަގަކުރާއިރު، އޮސްޓްރޭލިއާގައި ފާހަގަކުރަނީ އޮކްޓޯބަރު މަހުގެ އެންމެ ފަހު ހުކުރު ދުވަހު އެވެ.
ކާފަ އާއި މާމަ ދުވަހަކީ އާއިލާތައް އެއްތަނަކަށް އެއްވެ ގުޅުން ބަދަހި ކުރުމަށް ލިބޭ ފުރުސަތެކެވެ. އެއީ ކާފަދަރިންގެ ދިރިއުޅުމުގައި ކާފައާއި މާމަ އަދާކުރާ މުހިއްމު ދައުރު ދެނެގަނެވޭ ދުވަހެކެވެ.
އިސްލާމްދީނުގައި ކާފައާއި މާމަ ހިމެނޭ ގޮތަށް ބޮޑުންނަށް އިޙްތިރާމްކޮށް އިޙްތިރާމް ކުރުމަކީ ވަރަށް ބޮޑަށް އަލިއަޅުވާލެވިފައިވާ ކަމެކެވެ. ޤުރުއާނާއި ޙަދީޘްތަކުން (މުޙައްމަދު ނަބިއްޔާ ޞައްލަﷲ ޢަލައިހި ވަސައްލަމަގެ ބަސްފުޅުތަކުގައި) މުސްލިމުންނަށް ހިތްވަރުދީ، މައިންބަފައިންނާއި ކާފައާއި މާމައަށް ހެޔޮކޮށް ހިތުމާއި، އަޅާލުމާއި މެދު ބާރުއަޅައެވެ.