ރާއްޖޭގައި ފުޅާ ދާއިރާއެއްގައި ހިންގަމުންދިޔަ ހަށިވިއްކުމުގެ ވިޔަފާރިއާ ގުޅުންހުރި 7 އަންހެނަކާއި 2 އެޖެންޓުން އިމިގްރޭޝަނުގެ ބެލުމުގެ ދަށަށް ގެންގޮސް، އޭގެ ތެރެއިން 6 މީހުން މިހާރު ޑިޕޯޓްކޮށްފި އެވެ.
އިމިގްރޭޝަނުން މަޢުލޫމާތު ދީފައިވާ ގޮތުގައި، މި މީހުން ހައްޔަރުކުރީ މި އޮކްޓޯބަރު މަހުގެ ތެރޭގައި އިމިގްރޭޝަނާއި ފުލުހުން ގުޅިގެން ހިންގި ޚާއްޞަ އޮޕަރޭޝަނެއްގައެވެ. މި އޮޕަރޭޝަނަކީ ރާއްޖޭގައި ހަށިވިއްކުމުގެ ވިޔަފާރީގައި އުޅޭ ބިދޭސީން ހޯދުމަށް ހިންގުނު އޮޕަރޭޝަނެކެވެ.
މި މައްސަލައާ ގުޅިގެން ހައްޔަރުކުރެވުނު 9 މީހުންގެ ތެރެއިން 5 އަންހެނުންނާއި އެއް އެޖެންޓު މިހާރު ވަނީ ޑިޕޯޓްކޮށްފައެވެ. އަދި ބާކީ ތިބި 3 މީހުން ޑިޕޯޓްކުރުމުގެ މަސައްކަތް ކުރިއަށްދާ ކަމަށް އިމިގްރޭޝަނުން ބުނެފައިވެއެވެ.
މީގެ ކުރިން ވެސް މިފަދަ މައްސަލަތަކާ ގުޅިގެން ބައެއް ބިދޭސީން ވަނީ ޑިޕޯޓްކޮށްފައެވެ.