ރޭ ކުރި ވިއްސާރައިގައި ފެންބޮޑުވެ، ގެތަކުން ނަޖިސް ބޭރުވުމުގެ ސަބަބުން ހަތަރު ގެއެއްގައި ދިރިއުޅޭ 40 މީހުންނަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ވަގުތީ ބޯހިޔާވަހިކަން ފޯރުކޮށްދީފިއެވެ.
އެންޑީއެމްއޭ އިން މަޢުލޫމާތު ދިންގޮތުގައި، މާލެއާއި އަތޮޅުތެރޭގެ ގިނަ ރަށްތަކަށް ބޯކޮށް ވާރޭވެހި ފެންބޮޑުވުމުގެ ހާދިސާތައް ހިނގަމުންދާތީ، އެކަމުގައި އެހީތެރިކަން ފޯރުކޮށްދިނުމުގެ މަސައްކަތް އެ އޮތޯރިޓީން ދަނީ ކުރަމުންނެވެ. އަދި ފެންބޮޑުވުމުގެ ސަބަބުން ނަޖިސް ބޭރުވި ގެތަކުގެ މީހުން ރައްކާތެރި ތަންތަނަށް ބަދަލުކޮށް، ވަގުތީ ބޯހިޔާވަހިކަން ފޯރުކޮށްދީފައިވެއެވެ.
މި ވިއްސާރައިގެ ސަބަބުން އަތޮޅުތެރޭގައިވެސް އެތައް ގެއްލުންތަކެއް ވެފައިވާކަން ފާހަގަކުރެވެއެވެ. އެގޮތުން ކ. ހިންމަފުއްޓާއި ހުރާ އަދި ގުރައިދޫއަށް ބޯކޮށް ވާރޭ ވެހިފައިވާއިރު، ތުލުސްދޫގައި ފެންބޮޑުވެ ބައެއް ގެތަކުން ނަޖިސް ލީކުވެފައިވާކަމަށް އެންޑީއެމްއޭ އިން ބުނެފައިވެއެވެ.
މޫސުމާ ބެހޭ އިދާރާއިން މިހާރު ވަނީ ބ. އަތޮޅުން ފެށިގެން މ. އަތޮޅާ ހަމައަށް މިއަދުގެ 11:00 އަށް އަދި ހއ. އަތޮޅުން ފެށިގެން ބ. އަތޮޅަށް މެންދުރު 1:30 އާ ހަމައަށް ޔެލޯ އެލާޓް ނެރެފައެވެ. އެ ސަރަހައްދުތަކަށް ބޯކޮށް ވާރޭވެހި، ގުގުރައި އަދި ފެންބޮޑުވުމުގެ ފުރުސަތު އޮތްކަމަށް އެ އިދާރާއިން ވަނީ އިންޒާރު ދީފައެވެ.
މި ހާދިސާއާ ގުޅިގެން އެމްއެންޑީއެފުން ވަނީ މާލޭގެ ހަ ސަރަހައްދެއްގައި ފެން ހިންދުމުގެ މަސައްކަތް ކުރަމުން ގެންގޮސްފައެވެ. އަދި މިހާތަނަށް 85 ގެއަކަށް އެހީތެރިކަން ފޯރުކޮށްދީ، 707 ވެލި ބަސްތާ ޖަހައިދީފައިވާކަމަށް އެމްއެންޑީއެފުން މަޢުލޫމާތު ދީފައިވެއެވެ.
އެންޑީއެމްއޭ އިން މަޢުލޫމާތު ދިންގޮތުގައި، މާލެއާއި އަތޮޅުތެރޭގެ ގިނަ ރަށްތަކަށް ބޯކޮށް ވާރޭވެހި ފެންބޮޑުވުމުގެ ހާދިސާތައް ހިނގަމުންދާތީ، އެކަމުގައި އެހީތެރިކަން ފޯރުކޮށްދިނުމުގެ މަސައްކަތް އެ އޮތޯރިޓީން ދަނީ ކުރަމުންނެވެ. އަދި ފެންބޮޑުވުމުގެ ސަބަބުން ނަޖިސް ބޭރުވި ގެތަކުގެ މީހުން ރައްކާތެރި ތަންތަނަށް ބަދަލުކޮށް، ވަގުތީ ބޯހިޔާވަހިކަން ފޯރުކޮށްދީފައިވެއެވެ.
މި ވިއްސާރައިގެ ސަބަބުން އަތޮޅުތެރޭގައިވެސް އެތައް ގެއްލުންތަކެއް ވެފައިވާކަން ފާހަގަކުރެވެއެވެ. އެގޮތުން ކ. ހިންމަފުއްޓާއި ހުރާ އަދި ގުރައިދޫއަށް ބޯކޮށް ވާރޭ ވެހިފައިވާއިރު، ތުލުސްދޫގައި ފެންބޮޑުވެ ބައެއް ގެތަކުން ނަޖިސް ލީކުވެފައިވާކަމަށް އެންޑީއެމްއޭ އިން ބުނެފައިވެއެވެ.
މޫސުމާ ބެހޭ އިދާރާއިން މިހާރު ވަނީ ބ. އަތޮޅުން ފެށިގެން މ. އަތޮޅާ ހަމައަށް މިއަދުގެ 11:00 އަށް އަދި ހއ. އަތޮޅުން ފެށިގެން ބ. އަތޮޅަށް މެންދުރު 1:30 އާ ހަމައަށް ޔެލޯ އެލާޓް ނެރެފައެވެ. އެ ސަރަހައްދުތަކަށް ބޯކޮށް ވާރޭވެހި، ގުގުރައި އަދި ފެންބޮޑުވުމުގެ ފުރުސަތު އޮތްކަމަށް އެ އިދާރާއިން ވަނީ އިންޒާރު ދީފައެވެ.
މި ހާދިސާއާ ގުޅިގެން އެމްއެންޑީއެފުން ވަނީ މާލޭގެ ހަ ސަރަހައްދެއްގައި ފެން ހިންދުމުގެ މަސައްކަތް ކުރަމުން ގެންގޮސްފައެވެ. އަދި މިހާތަނަށް 85 ގެއަކަށް އެހީތެރިކަން ފޯރުކޮށްދީ، 707 ވެލި ބަސްތާ ޖަހައިދީފައިވާކަމަށް އެމްއެންޑީއެފުން މަޢުލޫމާތު ދީފައިވެއެވެ.