ނާން
ނާން އަކީ އިންޑިއާ އަދި ޕާކިސްތާން ހިސާބުގެ މީހުން ކެއުމުގައި ބޭނުންކުރާ ރޮށީގެ ބާވަތެކެވެ. މިއީ މިހާރު ދިވެހިންގެ ތެރޭގައިވެސް ވަރަށް މަގުބޫލު ބާވަތެއްގެ ރޮއްޓެކެވެ. ރޯދަ ވީއްލާ ގަޑިއަށް ބަޓަރ ޗިކަން ނުވަތަ ހިކި ރިހައަކާއި އެކުގައި ނާން ސާވްކޮށްލެވިދާނެއެވެ.
ބޭނުންވާ ތަކެތި
2 ޖޯޑު ފުށް
1 ސައިސަމުސާ ލޮނު
1 ޖޯޑު ޕްލެއިން ޔޯގަޓް
އިތުރަށް ހިކި ފުށްކޮޅެއް (އުނގުޅުމަށް އަދި ފެތުރުމަށް)
ބަޓަރު އުނގުޅުމަށް
ތައްޔާރުކުރާނެގޮތް
2 ޖޯޑު ފުށް ތަށްޓަކަށް އަޅާލާށެވެ. ދެން އޭގެތެރެއަށް ލޮނާއި ޔޯގަޓް އަޅާ އެއްކޮށްލާށެވެ. އެއަށްފަހު 5 މިނެޓްވަންދެން ފުށްމޮޑޭގޮތަށް ރަނގަޅަށް މޮޑެލާށެވެ. ފުށްގަނޑު ދެ ބަޔަށް ބަހާލުމަށްފަހު އޭގެން ބޮޑު ދެ ފުށް ގުޅަ ހަދާށެވެ. ކޮންމެ ފުށްގުޅައެއް ހަތަރު ބަޔަށް ކަފާލާށެވެ. އެއަށްފަހު ރޮށިދަމާއެތިން ވަށްކޮށް ނުވަތަ އޯވަލްކޮށް ފުށްގުޅަ ދަމާލާށެވެ. ދެން ތަތްނުލަވާ ތަވައެއްގައި މެދުގިނީގައި ނާންތައް ފިހަމުންދާށެވެ. ނާން ފިހެވޭވަވަރަކަށް ފުފެން ފަށާނެއެވެ. އޭރުން ނާންގެ މަތީގައި ބުރުހަކު ބަޓަރު އުނގުޅާލުމަށްފަހު އަނެއް ފުށަށް ޖަހާށެވެ. ބަޓަރު އަޅައިގެން ފިހާއިރު އުނދުނުގެ ގިނި ބަހައްޓަން ވާނީ އެންމެ ދަށްކޮށެވެ.
ފިހެ ނިންމާލުމަށްފަހު ނާން ސާވްކުރުމުގެ ކުރިން ބޭނުންވާނަމަ މަތީގައި ލޮނުމެދު ބަޓަރުކޮޅެއްވެސް އުނގުޅާލެވިދާނެއެވެ.



