ފިތުރު އީދު ފާހަގަކުރަން މިރޭ ހުޅުމާލޭ ސެންޓްރަލް ޕާކުގައި ޑްރޯން ޝޯއަކާއި ހަވާ އެރުވުން އޮންނާނެކަމަށް ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ބުނެފިއެވެ.
އެޗްޑީސީއިން ބުނީ، މިރޭ 8:30ގައި ބައިގަޑިއިރަށް ޑްރޯން ޝޯއެއް ކުރިއަށް ގެންދާނެ ކަމަށާއި އެއަށްފަހު 9:00ގައި ހަވާ އަރުވާނެ ކަމަށެވެ.
މީގެ އިތުރުން އެޗްޑީސީން ބުނީ މަންފާ ޖަމްއިއްޔާއާ ގުޅިގެން ސެންޓްރަލް ޕާކުގައި ކުޑަކުދިންގެ ހަވީރެއް މިއަދު 16:00 އިން 18:00އަށް ކުރިއަށްގެންދިއުމަށް ވަނީ ނިންމަވާފައި ކަމަށެވެ.
ހުޅުމާލޭގެ އިތުރުން މާލޭގަ ވެސް ޢީދު ފާހަގަ ކުރުމަށް “ޢީދު އުފާ 1446” ނަމުގައި ތަފާތު ހަރަކާތްތައް ބޭއްވުމަށް ވަނީ ނިންމާފައެވެ.