ހެންވޭރު ގެއެއްގެ ފުރާޅުމައްޗަށް އަންހެނަކު ވެއްޓުނު މައްސަލައާއި ގުޅިގެން ފުލުހުން ހިންގާ ތަހުގީގުގެ އަދާހަމަ ހާމަކުރަން މިއަދު ހެނދުނު ނޫސްވެރީންގެ ބައްދަލްވުމެއް ބާއްވަން ނިންމައިފި އެވެ.
މި ނޫސްވެރީންގެ ބައްދަލްވުން އޮތީ ހެނދުނު 10:00 ގަ އެވެ. މި ބައްދަލުވުމުގެ ދައުވަތު ފުލުހުން ވަނީ ރޭ ނޫސްވެރީންނަށް ފޮނުވާފަ އެވެ.
ފުލުހުން ބުނީ މިއަދުގެ ނޫސްވެރީންގެ ބައްދަލްވުމުގައި މައުލޫމާތު ދެއްވާނީ ކޮމިޝަނަރ އޮފް ޕޮލިސް ޢަލީ ޝުޖާޢު އާއި ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީން ކަމަށެވެ.
މި މައްސަލާގައި ފުލުހުން އަންގާރަ ދުވަހުގެރޭ ވަނީ ބަންދު ނޫސްވެރިންގެ ބައްދަލުވުމެއް ބާއްވާފައެވެ. އަދި މި ބައްދަލުވިމުގައި މި ހާދީސާގައި ހިމެނޭ އަންހެންހެން މީހާ މިމަހުގެ 18 ވަނަ ދުވަހުގެރޭ މާލޭގެ އެކި ސަރަހައްދުތަކުގައާއި ހެންވޭރު ޕެންޓިނިއާ ގޭ ތެރޭ އުޅެމުންދާ މަންޒަރު ހިމެނޭ ސީސީޓީވީ ފްޓޭޖުތަކެއްވެސް ނޫސްވެރިންނަށް ދެއްކިއެވެ.
މި ހާދިސާއާއި ގުޅިގެން އެކި ތުހުމަތުތައް ކޮށް ގިނަ ވާހަކަތަކެއް ސޯޝަލްމީޑިއާގައި ދެކެވޭއިރު ރޭ ވަނީ މި އަންހެންމީހާއަށް އިންސާފު ހޯދާދިނުމުގެ ނަމުގައި ހެންވޭރު ޕޮލިސް ސްޓޭޝަން ކުރިމަތީ ބަޔަކު އަޑުވެސް އުފުލާފައެވެ.
