ހުޅުމާލޭގައި މިއަދު ހެނދުނު ކުޑަކުއްޖަކު އުރައިގެން ދިޔަ އަންހެނަކު މަގު ހުރަސްކުރަނިކޮށް އޭނާ ގައިގައި ސައިކަލަކުން ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ ހުޅުމާލެ ނިރޮޅުމަގުން 1 އަހަރާއި 8 މަހުގެ ތުއްތު ކުއްޖަކު އުރައިގެން މަގު ހުރަސްކުރި މީހެއްގެ ގައިގާ ސައިކަލަކުން ޖެހި އެކްސިޑެންޓެއްވެފައިވާ މައްސަލައެއް މިއަދު ހެނދުނު 9:23ގައި ފުލުހުންނަށް ރިޕޯޓްކޮށްފައިވާ ކަމަށެވެ.
މި އެކްސިޑެންޓްގައި ސައިކަލު ދުއްވި މީހާގެ ވައަތު ކޮނޑުހުޅު ބިނދި ކަނާތު ފައިތިލަ މަތި މަށައިގެންގޮސްފައިވާ ކަމަށް ފުލުހުން ހާމަކުރެއެވެ. އަދި މަގު ހުރަސްކުރި އަންހެންމީހާގެ ވައަތު އުޅަނބޮށި މަށައިގެން ގޮސްފައިވާއިރު ކުޑަކުއްޖާގެ ބޯ ވަނީ ދުޅަވެފައި ކަމަށްވެސް ފުލުހުން ހާމަކުރެއެވެ. މި ދެމީހުނާއި ކުޑަ ކުއްޖާއަށްވެސް ފަރުވާ ދެމުންދަނީ ހުޅުމާލެ ހޮސްޕިޓަލުގައެވެ.