މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މިދިޔަ މަހު އެކަނިވެސް ޖުމްލަ 5940 ކޮންޓެއިނަރު ކްލިއާކޮށްފައިވާކަމަށް އެ ކުންފުނިން ހާމަކޮށްފިއެވެ.
އެމްޕީއެލްގެ ތަފާސްހިސާބުތަކުން ދައްކާގޮތުން، މިދިޔަ މަހު ބަނދަރުގެ ޚިދުމަތް ހޯދާފައިވަނީ 17 ކޮންވެންޝަނަލް ކާގޯ އުޅަނދާއި 15 ކޮންޓެއިނާ ބޯޓެވެ. އަދި މާލޭ ވިޔަފާރި ބަނދަރަށް އެންމެ ގިނައިން ކްލިއާކޮށްފައިވަނީ ކާބޯތަކެތީގެ ބާވަތްތަކެވެ. މީގެ ތެރޭގައި 20 ފޫޓުގެ 2،344 ކޮންޓެއިނަރާއި 40 ފޫޓުގެ 1،798 ކޮންޓެއިނަރު ހިމެނެއެވެ.
މިގޮތުން ކްލިއާކުރެވުނު ތަކެތީގެ ތެރޭގައި 53 ޓަނުގެ ބިސް، 35 ޓަނުގެ ފިޔާ، 30 ޓަނުގެ ކަރާ، 20 ޓަނުގެ އަލުވި އަދި 14 ޓަނުގެ ޓޮމާޓޯ ހިމެނެއެވެ. މީގެ އިތުރުން 11 ޓަނުގެ ކެބެޖް، 9 ޓަނުގެ އަލަނާސި، 9 ޓަނުގެ ދޮންކެޔޮ އަދި 3 ޓަނުގެ ބަރަބޯވެސް ކްލިއާކޮށްފައިވެއެވެ.
އެމްޕީއެލްއިން ކޮންމެ މަހަކުވެސް އެ ކުންފުނިން ކްލިއާކުރާ މުދަލުގެ ތަފާސްހިސާބުތައް އާންމުކުރަމުން ގެންދެއެވެ.