ހުޅުމާލޭގައި ހިންގި އޮޕަރޭޝަނެއްގައި ގަވާއިދާ ހިލާފަށް ރާއްޖޭގައި ދިރިއުޅެމުން އައި 10 ބިދޭސީން މޯލްޑިވްސް އިމިގްރޭޝަނުން ހައްޔަރުކޮށްފިއެވެ.
އިމިގްރޭޝަނުން ހާމަކުރި ގޮތުގައި، މި ބިދޭސީން ހައްޔަރުކޮށްފައިވަނީ އަންގާރަ ދުވަހު ހުޅުމާލޭގެ ހައިވަކަރު މަގުގައި ހުރި އެކޮމޮޑޭޝަން ބްލޮކްތަކުގައި ހިންގި ޚާއްސަ އޮޕަރޭޝަނެއްގައެވެ. މި އޮޕަރޭޝަނުގައި އެ ސަރަހައްދުގައި ދިރިއުޅޭ 40 ބިދޭސީން ވަނީ ބަލައި ފާސްކޮށްފައެވެ.
އިމިގްރޭޝަނުގެ ޓާސްކް ފޯސްއިން ކުރިއަށް ގެންދިޔަ މި އޮޕަރޭޝަނުގައި ހައްޔަރުކުރެވުނު 10 ބިދޭސީންނަކީ ވިސާގެ މުއްދަތު ހަމަވެފައިވާ އަދި ވަޒީފާގެ އެއްބަސްވުމާ ޚިލާފަށް އުޅެމުން އައި ބިދޭސީންކަމަށް އިމިގްރޭޝަނުން ބުންޏެވެ. މި ބިދޭސީން މިހާރު ވަނީ އިމިގްރޭޝަނުގެ ބެލުމުގެ ދަށަށް ގެންގޮސްފައެވެ.