އިދިކޮޅު ޕީޕީއެމް/ޕީއެންސީ ކޯލިޝަންގެ ދާއިރާތަކުގެ އިންތިހާބުގެ ވޯޓުލުން ފަށައިފިއެވެ.
މި އިންތިހާބުގެ ވޯޓުލުން މިއަދު ހެނދުނު 10:00 އިން ފެށިގެން ހަވީރު 4:00 އަށް ކުރިއަށްދާނެ އެވެ. މިގޮތުން، މި އިންތިހާބުގައި މާލޭގައި ބަހައްޓާފައި ހުންނަ ވޯޓު ފޮއްޓަށް ވޯޓުލުން ކުރިޔަށް ގެންދަނީ ހެންވޭރު ދަނޑުގަ އެވެ.
މިއީ މި ދެ ޕާޓީން މިހާތަނަށް ބާއްވާ އެތެރޭގެ އެންމެ ބޮޑު އިންތިހާބެވެ. މި އިންތިހާބުގައި ވާދަކުރާ ކެންޑިޑޭޓުން ވަނީ ފޯރިގަދަ ކެމްޕެއިން ހަރަކާތްތަކެއްވެސް ބާއްވާފައެވެ.
ހުޅުމާލެ އަދި ވިލިމާލެ ދާއިރާ ފިޔަވައި މާލޭގެ ދާއިރާތަކާއި، ރަށްރަށުގެ މީހުން މާލޭގައި ވޯޓުލުމުގެ އިންތިޒާމު ހަމަޖެހިފައިވަނީ ހެންވޭރު ދަނޑުގަ އެވެ.