ނިމުނު ޖުލައި މަހު ދައުލަތަށް ލިބުނު އާމުދަނީ 31 އިންސައްތަ އިތުރުވެފައިވާ ކަމަށް ތަފާސް ހިސާބުތަކުން ދައްކައިފިއެވެ.
މޯލްޑިވްސް ކަސްޓަމްސް ސަރވިސްއިން ނެރުނު ތަފާސް ހިސާބުގައި ބުނެފައިވަނީ 2021 ވަނަ އަހަރުގެ ޖުލައި މަހު 241 މިލިއަން ރުފިޔާ ދައުލަތަށް ލިބިފައިވާއިރު، މި އަހަރުގެ ޖުލައި މަހު މި ޢަދަދުވަނީ 316 މިލިއަން ރުފިޔާއަށް އިތުރުވެފައި ކަމަށެވެ.
ތަފާސް ހިސާބުތައް ދައްކާގޮތުން ޖުލައި މަހު ރާއްޖެއަށް އިމްޕޯޓްކުރެވުނު މުދަލުގެ ސީއައިއެފް އަގު 2021 ވަނަ އަހަރުގެ ޖުލައި މަހާއި އަޅާބަލާއިރު 56 އިންސައްތަ ވަނީ އިތުރުވެފައެވެ.
2021 ވަނަ އަހަރުގެ ޖުލައި މަހު ރާއްޖެއަށް 2.7 ބިލިއަން ރުފިޔާގެ މުދާ އިމްޕޯޓްކޮށްފައިވާއިރު މިއަހަރުގެ ޖުލައި މަހު މިއަދަދު ވަނީ 4.3 ބިލިއަން ރުފިޔާއަށް އިތުރުވެފައެވެ.
ފާއިތުވި ރާއްޖެއަށް އެންމެ ގިނައިން މުދާ އެތެރެކޮށްފައިވާ ގައުމުތަކަކީ އޮމާން، އިންޑިއާ، ޔޫއޭއީ، ޗައިނާ އަދި ސިންގަޕޫރެވެ.
އޮމާން އިން 797 މިލިއަން ރުފިޔާގެ މުދާ އެތެރެކޮށްފައިވާއިރު އިންޑިއާއިން 698 މިލިއަން ރުފިޔާގެ މުދާ ވަނީ އެތެރެކޮށްފައެވެ
މީގެ އިތުރުން ޔޫއޭއިން ވަނީ 550 މިލިއަން ރުފިޔާގެ މުދާ ޖުލައި މަހު ރާއްޖެއަށް އެތެރެކޮށްފައެވެ.