ޔޫރޯ ފުޓްބޯޅަ މުބާރާތުގެ ގުރޫޕް ސީގައި އިންގްލެންޑް އަދި ސާބިއާ ވާދަކުރި މެޗު 0-1 ގެ ނަތީޖާ އަކުން އިންގްލެންޑް ކާމިޔާބުކޮށްފިއެވެ.
މެޗު ފަށައިގެން އިންގްލެންޑުން ބޯޅަ ކޮންޓްރޯލްކޮށް ސާބިއާގެ ހާފަށް ބާރުބޮޑުކުރިއިރު, މި މެޗުގެ 13 ވަނަ މިނެޓުގައި އިންގްލުންޑުން ވަނީ ގޯލު ޖަހާ ލީޑު ނަގައިފަ އެވެ. މިއީ، ބުކާޔޯ ސަކާ ނަގައިދިން ހުރަހެއް, ޖޫޑް ބެލިންގްހަމް ބޮލުން ޖަހައި ގޯލުގެ މަތީ ކަނަށް ބޯޅަ ވައްދާލައިގެން ކާމިޔާބުކުރި ގޯލެކެވެ.
އިންގްލެންޑުން ގޯލެއް ކާމިޔާބުކޮށް މެޗުގެ ލީޑު ނެގިފަހުންވެސް މި މެޗުގެ ފުރަތަމަ ހާފުގައި އިތުރު ގޯލެއް ޖަހާނެ ގިނަ ފުރުސަތުތަކެއް ވަނީ ލިބިގެން ގޮސްފައެވެ. ބެލިންހަމްގެ އިތުރުން ކައިލް ވޯކާ އަށް ވެސް އިންގްލެންޑްގެ ލީޑު ފުޅާ ކުރުމަށް ރަނގަޅު ފުރުސަތުތަކެއް ލިބިގެން ގޮސްފައިވެއެވެ.
މި މެޗުގެ ދެ ވަނަ ހާފުގައި ސާބިއާގެ މިޓްރޮވިޗަށް އިންގްލެންޑްގެ ކިއެރަން ޓްރިޕިއޭ ފައުލެއް ކުރި ކަމަށް ބުނެ، އެ ޓީމުން ކުރި އެޕީލް ކާމިޔާބެއްނުވި އެވެ.
މި މެޗުގެ ނަތީޖާ ހަމަހަމަ ކުރުމަށް ސާބިއާގެ ޓީމުން ގިނަ ހަމަލާތަކެއް އިންގްލެންޑްގެ ގޯލާ އަމާޒުކޮށް ފޮނުވާލާފައިވާއިރު، އެ ހަމަލާތައް ކުޅަދާނަކަމާ އެކުގައި އިންގްލެންޑްގެ ކީޕަރު ޕިކްފޯޑު ދިފާއުކޮށްފައިވެއެވެ. ދެ ޓީމުގެ ފަރާތުންވެސް ފޯރިގަދަ ކުޅުމެއް ފެނިގެންދިޔަ މި މެޗުގެ ފުރިހަމަ ވަގުތު ހަމަވެގެން ދިޔައީ އިންގްލެންޑް ކުރީގައި އޮވެގެންނެއެވެ.