2024 ވަނަ އަހަރުގެ ޕެރިސް ޕެރަލިމްޕިކް ގޭމްސް ނިމުމަކަށް އައީ އިއްޔެ ރޭ ސްޓޭޑް ޑި ފްރާންސްގައި ބޭއްވުނު ފާހަގަކޮށްލެވޭ އަލިކަމުގެ ޝޯއަކާއި ޑާންސް ޕާޓީއަކާއެކުގައެވެ.
މީހުން ފުރިފައިވާ ސްޓޭޑިއަމްގައި ބޭއްވުނު ނިންމުމުގެ ރަސްމިއްޔާތުގައި ވާހަކަދައްކަވަމުން، ޕެރިސް 2024ގެ އިސް އޯގަނައިޒަރު އަދި ކުރީގެ ރަން މެޑަލް ކާމިޔާބުކުރި ކެނޫ ދުއްވުންތެރިޔާ ޓޯނީ އެސްޓަންގުއެޓް ވިދާޅުވީ ޕެރަލިމްޕިކްސް އާއި އޮލިމްޕިކްސްގެ 6 ހަފްތާ “މީހުންގެ ހަނދާނުގައި ދެމިހުންނާނެ” ކަމަށެވެ.
ނިންމުމުގެ ރަސްމިއްޔާތުގައި 168 ޕެރަލިމްޕިކް ވަފުދުތަކުގެ 4،400 އަށްވުރެ ގިނަ ކުޅުންތެރިން ވާރޭވެހެމުންދިޔަ ނަމަވެސް ފްރާންސްގެ އެންމެ ރަނގަޅު އިލެކްޓްރޯނިކް ޑާންސް މިއުޒިކް ޕާޓީ ވަނީ ބާއްވާފައެވެ.
މުބާރާތުގެ އެންމެ ފަހު ދުވަހު، މޮރޮކޯގެ ފާތިމާ އެޒްޒަހްރާ އެލް އިދްރީސީ ވަނީ ފެނުމުގެ ނުކުޅެދުންތެރިކަން ހުންނަ އަންހެން ދުވުންތެރިންގެ މެރަތަންގެ ދުނިޔޭގެ ރެކޯޑު ވައްޓާލާފައެވެ. އެލް އިދްރީސީ 42 ކިލޯމީޓަރުގެ ދުވުން ނިންމީ 2 ގަޑިއިރާއި 48 މިނެޓާއި 36 ސިކުންތުންނެވެ. މިއީ ކުރީގެ ރެކޯޑަށްވުރެ 6 މިނެޓު އަވަސް ވަގުތެކެވެ.
ހަމައެދުވަހު، ނައިޖީރިއާގެ ފޮލަޝާޑޭ އޮލުވަފެމިއާޔޯ ވަނީ އަންހެނުންގެ ޕެރަ ޕަވަރލިފްޓިންގގައި އޭނާގެ އަމިއްލަ ދުނިޔޭގެ ރެކޯޑު ވައްޓާލާފައެވެ.
މުބާރާތުގެ މެޑަލް ތާވަލުގައި ޗައިނާ ވަނީ 94 ރަން މެޑަލާއެކު އެންމެ މަތީގައެވެ. ގްރޭޓް ބްރިޓަން ވަނީ 49 ރަން މެޑަލާއެކު ދެވަނައިގައެވެ. އެމެރިކާ ވަނީ 36 ރަން މެޑަލާއެކު ތިންވަނައިގައެވެ.
ޔުކްރެއިންގެ ކުޅުންތެރިން ވަނީ އެ ޤައުމުގެ މައްޗަށް ރަޝިއާގެ ސިފައިން އަރައިގަތުމުގެ ސަބަބުން ކުރިމަތިވި ތިވި ބޮޑެތި ހުރަސްތައް ފަހަނައަޅައި 22 ރަން މެޑަލާއެކު 7 ވަނައަށް އަރާފައެވެ. ފްރާންސް ވަނީ 19 ރަން މެޑަލާއެކު 8 ވަނައިގައެވެ.
ދެން އޮންނަ ޕެރަލިމްޕިކްސް ބޭއްވުމަށް ހަމަޖެހިފައިވަނީ 2028 ވަނަ އަހަރު ލޮސް އެންޖަލްސް ގައެވެ.