މިދިޔަ އަހަރުގެ މާޗު މަހުން ފެށިގެން 2025 ވަނަ އަހަރުގެ އޭޕްރީލު މަހުގެ ނިޔަލަށް އެއާ އެމްބިއުލާންސްގައި 1،072 ބަލިމީހުން އުފުލާފައިވާ ކަމަށް ހެލްތު މިނިސްޓަރ ނާޒިމް އިބްރާހީމް ވިދާވެއްޖެއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ނާޒިމު ވިދާޅުވީ މި މުއްދަތުގައި 899 ދަތުރުކޮށްފައިވާ ކަމަށެވެ.
މިއީ ސިއްހީ ދާއިރާއަށް އަދި ރާއްޖޭގެ ރައްޔިތުންނަށް ސިއްހީ ނިޒާމުގެ ތެރެއިން ކުރެވުނު އެންމެ މުހިންމު އެއްކަމެއްގެ ގޮތުގައި ފާހަގަކުރައްވާ މިނިސްޓަރ ވިދާޅުވީ އެއަރ އެމްބިއުލާންސް ގެ ޚިިދުމަތް ރަނގަޅުކޮށް އިތުރަށް ފުޅާ ކުރަން ސަރުކާރުން ބޭނުންވާ ކަމަށެވެ. އެގޮތުން މިއަހަރު ފަހުކޮޅު މޯލްޑިވްސް ނެޝަނަލް ޔުނިވަރސިޓީން މިދާއރާއަށް ބޭނުންވާ ފަރާތްތަށް ޚާއްޞަ ތަމްރީންތައް އިއުލާން ކުރެވޭނެ ކަމަށެވެ.
މިނިސްޓަރ ވިދާޅުވީ ފަންނީ މީހުން ތަމްރީނުކުރުމަށް ގައުމީ ޔުނިވާސިޓީއާއެކު މިހާރު އެއްބަސްވުމެއް ގާއިމުކުރެވި، އެ މަސައްކަތްކުރުމަށް ކެބިނެޓުގެ އިޖުތިމާއީ ކޮމެޓީގެ ރުހުން ވެސް ލިބިފައިވާކަމަށެވެ.
