ތަފާތު އެކި ދާއިރާތަކުގައި އަންހެނުން ކުރާ މަސައްކަތުގެ އަގުވަޒަންކޮށް، ދޭ ރެހެންދި އެވޯޑު 15 މީހަކަށް ދީފި އެވެ.
ރެހެންދި އެވޯޑް ދިނުމަށް ބާސެލޯ ނަސަންދުރާގައި ބޭއްވި ޙަފްލާ ޝަރަފުވެރިކޮށްދެއްވީ، ފަސްޓް ލޭޑީ ސާޖިދާ މުޙައްމަދުއެވެ. އަދި އިޖުތިމާޢީ އަދި އާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމާއި ދާއިރާގެ އިސް ފަރާތްތަކުން ބައިވެރިވެވަޑައިގެންނެވިއެވެ.
ރެހެންދި އެވޯޑަށް މިދިޔަ އަހަރު 22 މީހަކު ކުރިމަތިލި އެވެ. އޭގެ ތެރެއިން އެވޯޑު ލިބުނު ފަސް މީހުންނަކީ؛
ކ. ކާށިދޫ، މާވިނަ، މަރިޔަމް އިނާޝާ (އިޖުތިމާއީ ގޮތުން ބާރުވެރިކުރުމުގެ ދާއިރާ)
ތ. ވިލުފުށި، ތަނޑިރަތްމާގެ، މަރިޔަމް މުރުޝިދާ (އިޖުތިމާއީ ގޮތުން ބާރުވެރިކުރުމުގެ ދާއިރާ)
މ. ޕިންކުޕްލާވާ، އަސްމާ ހަސަން (އިޖުތިމާއީ ގޮތުން ބާރުވެރިކުރުމުގެ ދާއިރާ)
ހދ. ކުޅުދުއްފުށި، ޓޯޓަލްގެ، އާއިޝަތު ތާއިފާ (އިޖުތިމާއީ ގޮތުން ބާރުވެރިކުރުމުގެ ދާއިރާ)
ލ. ފޮނަދޫ، ފުރުއްމާގެ، ވިމެންސް އެންހޭންސްމަންޓް ޖަމިއްޔާ (އިޖުތިމާއީ ގޮތުން ބާރުވެރިކުރުމުގެ ދާއިރާ)
މި އަހަރުގެ ރެހެންދި އެވޯޑަށް ކުރިމަތިލި 28 މީހުންގެ ތެރެއިން އެ އެވޯޑު ލިބޭ 10 މީހުންނަކީ؛
ގއ. ކަނޑުހުޅުދޫ، އަތަމާގެ، އާއިޝަތު ހުސެއިނ (އިޖުތިމާއީ ގޮތުން ބާރުވެރިކުރުމުގެ ދާއިރާ)
ތ. ކިނބިދޫ، މުރިނގު، ސުރައްޔާ އިބްރާހިމް (އިޖުތިމާއީ ގޮތުން ބާރުވެރިކުރުމުގެ ދާއިރާ)
ދަފްތަރު 2823، އާމިނަތު އާދަމްކޮއި (އިޖުތިމާއީ ގޮތުން ބާރުވެރިކުރުމުގެ ދާއިރާ)
ހ. ލައިޓްސްޓާ، އާމިނަތު ރީމާ ރަޝީދު (ލީޑަޝިޕް އަދި ގަވަނެންސްގެ ދާއިރާ)
މ. ހުދުކާނޭޝަން، ޑރ. ރުހުޝާނާ އަހުމަދު (އިޖުތިމާއީ ގޮތުން ބާރުވެރިކުރުމުގެ ދާއިރާ)
ތ. ވިލުފުށި، ދޫރެސް، ސަމީނާ އިބްރާހިމް (އިޖުތިމާއީ ގޮތުން ބާރުވެރިކުރުމުގެ ދާއިރާ)
ހުޅުމާލެ ގޯތި 10228، ސަފާތު އަހުމަދު ޒާހިރު (އިޖުތިމާއީ ގޮތުން ބާރުވެރިކުރުމުގެ ދާއިރާ)
ސ. ފޭދޫ، ފަރިމާގެ، އާއިޝަތު ވަހީދާ (އިގުތިސޯދީ ގޮތުން ބާރުވެރިކުރުމުގެ ދާއިރާ)
ހ. ފަހަމަ އާމިނަތު ސޫޒަން (ލީޑަޝިޕް އަދި ގަވަނެންސްގެ ދާއިރާ)
އއ. އުކުޅަސް، މުރީދުގެ، ޒަހިއްޔާ މުހައްމަދު (އާއްމުކޮށް އަންހެން ކޮށް ނޫޅޭ މަސައްކަތުގެ ދާއިރާ)
ރެހެންދި އެވޯޑް ދިނުމަށް ބޭއްވި ޙަފްލާގައި ވާހަކަފުޅުދައްކަވަމުން އިޖުތިމާޢީ އަދި އާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ވިދާޅުވީ
ރެހެންދި އެވޯޑް ލިބޭ ކޮންމެ ކަނބަލަކީވެސް ވަރަށް ހިތްވަރު ގަދަ، ޤާބިލު ކެރޭ ލާމަސީލު ނާމޫނާއެއް ދައްކަވާ ކަނބަލުންތަކެއްކަމަށެވެ.
މި އެވޯޑަކީ ހަމައެކަނި ކާމިޔާބީއެއް ފާހަގަކުރުން އެކަނި ނޫންކަމަށާއި، މިއީ އެކި ދާއިރާތަކުން ފާހަގަކޮށްލެވޭ ކަނބަލުންނާއި ކަނބަލުންގެ ކުރިއެރުމަށް މަސައްކަތްކުރާ މުއައްސަސާތަކާ ޖަމްޢިއްޔާތަކުގެ އަގު ޤައުމީ ފެންވަރެއްގައި ކުލަގަދަކޮށް ފާހަގަކުރުމަށް ދެވޭ އެވޯޑެއްކަން ވަޒީރު ފާހަގަކުރެއްވިއެވެ
އަންހެނުން ބާރުވެރިކުރުވުމަށް ރެހެންދި އެވޯޑު ދޭން ފެށީ 2014 ވަނަ އަހަރު އެވެ. އެ އެވޯޑު ދެމުން އަންނަތާ މިދިޔަ 11 އަހަރުގެ ތެރޭގައި މިހާތަނަށް 60 އަށް ވުރެ ގިނަ މީހުން ވަނީ އެ އެވޯޑު ހާސިލްކޮށްފަ އެވެ.