ހުޅުމާލޭގެ މަގުތައް އަލަށް ހެދުމާއި، މިހާރު ހުރި މަގުތައް މަރާމާތުކޮށް ރަނގަޅު ކުރުމުގެ މަސައްކަތް، ރޮޓައިމް އިންޖިނިއަރިންގ އެންޑް ޓެކްނޮލޮޖީ ކޯ. ލިމިޓެޑްއާ ހަވާލުކޮށްފިއެވެ. މި އެއްބަސްވުމުގައި ސޮއިކޮށްފައިވަނީ ހުޅުމާލޭގެ އުމްރާނީ ތަރައްޤީ އިތުރަށް ހަރުދަނާ ކުރުމަށް (ހައުސިން ޑިވެލޮޕްމަންޓް ކޯޕަރޭޝަން) އެޗްޑީސީން ކުރަމުންދާ މަސައްކަތްތަކުގެ ދަށުންނެވެ.
މި އެއްބަސްވުމަކީ ހުޅުމާލޭގެ އުމްރާނީ ތަރައްޤީގެ ފެންވަރު ރަނގަޅު ކުރުމަށް އެޗްޑީސީން ކުރަމުންދާ މަސައްކަތްތަކުގެ ތެރެއިން ވަރަށް މުހިންމު ފިޔަވަޅެކެވެ. އަދި މި މަސައްކަތުގެ ދަށުން ހުޅުމާލޭގެ އެކި ސަރަޙައްދުތަކުގައި ހުރި މަގުތައް މަރާމާތުކޮށް، ބައެއް މަގުތައް އަލުން ބިނާކުރުމުގެ މަސައްކަތް ކުރިއަށް ގެންދެވޭނެ ކަމަށްވެސް އެޗްޑީސީން ބުނެއެވެ.
އެޗްޑީސީން އިތުރަށް ބުނީ މި ޕާޓްނަރޝިޕްގެ ސަބަބުން ހުޅުމާލޭގެ މަގުތަކުގެ ފެންވަރު ރަނގަޅުވެ، ރައްޔިތުންނަށް ދަތުރުފަތުރު ކުރުމުގައި އިތުރު ފަސޭހަތަކެއް ލިބިގެންދާނެ ކަމަށެވެ.