ޣައްޒާގެ ސުލްހައިގެ އެއްބަސްވުމުގެ ދެވަނަ މަރުހަލާ ގަބޫލުކުރުމަށް އިސްރާއީލަށް ބާރުއެޅުމަށް ހަމާސްގެ އިސް އޮފިޝަލަކު އެމެރިކާއަށް ގޮވާލާފައިވާކަމަށް އޭއެފްޕީ ނިއުސް އެޖެންސީން ރިޕޯޓްކޮށްފިއެވެ.
ހަމާސްގެ އޮފިޝަލް ވިދާޅުވީ، އެއްބަސްވުމުގެ ކުރިއަށް އޮތް މަރުހަލާ ތަންފީޒުކުރުމަށް އިސްރާއީލަށް ބާރުއެޅުމަށްޓަކައި ވޮޝިންޓަނުން އެގައުމުގެ ނުފޫޒު ބޭނުންކުރަންޖެހޭ ކަމަށެވެ. މި ގޮވާލުން އައިސްފައިވަނީ ޣައްޒާގެ ޕްލޭނާ ގުޅޭ މުހިންމު ކަންކަމުގައި މަޝްވަރާކޮށް، އެކަންކަން ކުރިއަށް ގެންދިއުމަށް މަސައްކަތް ކުރަމުންދާ ދަނޑިވަޅެއްގައެވެ.
އެއްބަސްވުމުގެ مާއްދާތައް ތަންފީޒުކުރުމަށް ހަމާސްއިން ތަކުރާރުކޮށް ގޮވާލަމުންދާއިރު، މިހާރު ކުރިއަށްދާ މަޝްވަރާތައް ބޮޑަށް ބިނާވެފައިވަނީ މިހާރު އޮތް މަރުހަލާއިން ދެން އޮތް މަރުހަލާއަށް ދިއުމަށްޓަކައި އަޅަންޖެހޭ ފިޔަވަޅުތަކުގެ މައްޗަށެވެ. ހަމާސްގެ އޮފިޝަލް ވަނީ އިސްރާއީލު އެއްބަސްވުމައިގެން ކުރިއަށް ދިއުމަށްޓަކައި އެމެރިކާގެ ވަރުގަދަ ބާރުއެޅުމެއް ބޭނުންވާކަމަށް ވިދާޅުވެފައެވެ.
މިއީ ޣައްޒާގެ ރައްޔިތުންގެ ދިރިއުޅުމުގެ ހާލަތު ރަނގަޅުކުރުމަށް ބައިނަލްއަގުވާމީ ފެންވަރުގައި ކުރެވެމުންދާ މަސައްކަތްތަކުގެ ބައެކެވެ.