އަޒަރުބައިޖާން އެއާލައިންސް އިން ބާކޫއިން ރާއްޖެއަށް ސީދާ ދަތުރުތައް ފަށަން ހަމަޖެހިއްޖެއެވެ.
ބާކޫއިން މާލެއަށް ކުރާ އެ އެއާލައިންގެ ފުރަތަމަ ދަތުރު އޮންނާނީ ނޮވެމްބަރު މަހުގެ އަށް ވަނަ ދުވަހު އެވެ. އެ ތާރީހުން ފެށިގެން ހަފްތާއަކު ދެ ފަހަރު (ހުކުރު އަދި އާދީއްތަ ދުވަހު) ފްލައިޓް ތައް އޮޕަރޭޓް ކުރާނެ އެވެ.
އެއެއާލައިންގެ ރަސްމީ ވެބްސައިޓުން، މޯބައިލް އެޕް މެދުވެރިކޮށް ނުވަތަ އަޒަލް ޓިކެޓް އޮފީސްތަކުން ޓިކެޓް ބުކް ކުރުމަށް މިހާރު ވަނީ ހުޅުވާލާފައެވެ.
ބާކޫއިން މާލެއަށް ބާއްވާ މި ޑައިރެކްޓް ފްލައިޓްގެ ސަބަބުން ދަތުރުފަތުރުގެ ވަގުތު ވަރަށް ބޮޑަށް ކުޑަވެ، ލޭއޯވާތަކަށް ދިމާވާ ދަތިތައް ނައްތާލެވިގެން ދާނެއެވެ.