ބިޒްނަސް ސެންޓަރ ކޯޕަރޭޝަން (ބީސީސީ) އިން މޯލްޑިވްސް އެމް.އެސް.އެމް.އީ އެވޯޑް 2025 އަށް ކުރިމަތިލުމުގެ ފުރުސަތު ހުޅުވާލައިފިއެވެ. މި އެވޯޑަކީ ރާއްޖޭގައި ހިންގާ އެންމެ ކުދި، ކުދި އަދި މެދުފަންތީގެ ވިޔަފާރިތަކުގެ ކާމިޔާބީތައް ފާހަގަކޮށް، އެފަދα ވިޔަފާރިތަކަށް ހިތްވަރު ދިނުމުގެ ގޮތުން ދޭ އެވޯޑެކެވެ.
ބީސީސީން ހާމަކުރި ގޮތުގައި، މި އެވޯޑު ދިނުމަށް ހަމަޖެހިފައިވަނީ ދެ ގިންތިއެއްގެ ދަށުން 24 ދާއިރާއަކަށެވެ. މީގެ ތެރޭގައި ހިމެނެނީ ޖަޖުކުރެވޭ ގިންތީގެ ދަށުން 13 ދާއިރާއާއި، ޕޮޕިއުލާ އެވޯޑްސް ގިންތީގެ ދަށުން 11 ދާއިރާއެވެ.
އެވޯޑަށް ކުރިމަތިލުމަށް ޝައުގުވެރިވާ ފަރާތްތަކަށް 3 ސެޕްޓެމްބަރު 2025 އިން ފެށިގެން 2 އޮކްޓޫބަރު 2025 ގެ 23:59 އާ ހަމައަށް އޮންލައިން ޕޯޓަލް މެދުވެރިކޮށް ފޯމު ހުށަހެޅޭނެއެވެ.
އެވޯޑު ދިނުމަށް ހަމަޖެހިފައިވާ ގިންތިތަކާއި، ދާއިރާތަކުގެ ޝަރުތުތަކުގެ ތަފްސީލު “މޯލްޑިވްސް އެމް.އެސް.އެމް.އީ އެވޯޑު 2025 ދިނުމާއި ގުޅޭ އުސޫލު” ގައި ހިމަނާފައިވާ ކަމަށް ބީސީސީން މަޢުލޫމާތު ދީފައިވެއެވެ.
މި އެވޯޑަކީ އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއާ ގުޅިގެން ބީސީސީން ކުރިއަށް ގެންދާ ޕްރޮގްރާމެކެވެ. އިތުރު މަޢުލޫމާތު ހޯދުމަށް 3305555 ނަންބަރަށް ގުޅުއްވުމަށް ނުވަތα އީމެއިލް ކުރެއްވުމަށް ބީސީސީން ވަނީ އަންގާފައެވެ.



