ޔުނައިޓެޑް އެރެބި އެމިރޭޓްސް (ޔޫއޭއީ) ގެ އެންމެ އަގުހެޔޮ އެއާލައިން، ވިޒް އެއާގެ ދަތުރުތައް ރާއްޖެ އަށް ފަށައިފި އެވެ.
ވިޒްއެއާގެ ފުރަތަމަ ފްލައިޓް ރާއްޖެ އައިސްފައިވަނީ މިއަދުއެވެ. މި ފްލައިޓްގައި ވިޒްއެއާގެ ބައެއް އިސްވެރިން ވަނީ ރާއްޖެ އަށް ވަޑައިގެންފަ އެވެ.
ބަޖެޓް ފްލައިޓް ވިޒް އެއަރއިން ކޮންމެ ހަފްތާއަކު ހަތަރު ދުވަހު ރާއްޖެއަށް ދަތުރުތައް ކުރާނެއެވެ. އެއީ އާދިއްތަ، އަންގާރަ، ބުރާސްފަތި އަދި ހޮނިހިރު ދުވަހު އެވެ. ދަތުރުތަކުގެ އަގުތައް ފެށެނީ ކޮޅަކަށް 97 ޑޮލަރު (1495ރ.) އިންނެވެ.
ދުބާއީ އަކީ ގިނަ ދިވެހިން ޗުއްޓީ ހޭދަކުރުމުގެ އިތުރުން ވިޔަފާރި އެކި ބޭނުންތަކަށްވެސް މިހާރު ދަތުރު ކުރަމުން އަންނަ ދިވެހިންގެ ތެރޭގައި މަގުބޫލު މަންޒިލެކެވެ.