ގަލްފް އެއާ ފްލައިޓެއް ކަމަށްވާ GF19 އިން ކުރި ދަތުރެއްގެ މަތިން ކްރޫއަކަށް ހާޓްއެޓޭކެއް ޖެހި އިރާގަށް އެމަރޖެންސީ ކޮށް ލޭންޑްކޮށްފި އެވެ.
އޭވިއޭޓަރ މޯލްޑިވްސްއިން ބުނިގޮތުގައި ބަޙްރޭން އިން ޕެރިސްއަށް ދަތުރުކުރަމުން ދިޔަ މި ފްލައިޓްގެ ކްރޫއަކަށް ހާޓްއެޓޭކެއް ޖެހި ވަނީ މަރުވެފައެވެ. އަދި އެ ފްލައިޓް އެމަރޖެންސީކޮށް އިރާގުގެ އެރްބިލްއަށް ޖައްސާފައިވާ ކަމަށްވެސް ބުނެފައި ވެއެވެ.
މި ކްރޫ އިރާގަށް ބޭލުމަށްފަހު މި ފްލައިޓުން ވަނީ ފަސިންޖަރުން ރައްކާތެރިކަމާއެކު ޕެރިސްއަށް ގެންގޮސްދީފަ އެވެ. އަދި ގަލްފް އެއާއިން ފަސިންޖަރުންގެ ރައްކާތެރިކަމަށް އިސްކަމެއް ދޭކަމަށް ވަނީ ބުނެފަ އެވެ.