ބޮލީވުޑު ތަރި އިމްރާން ހާޝިމީ އަކީ ކީރިތި ގުރުއާން ހިތުދަސްކޮށްފައިވާ މީހެއްކަން އެނގެނީ ވަރަށްމަދު ބަޔަކަށެވެ.
އިމްރާން ހާޝިމީ ގުރުއާން ހިތުދަސްކޮށްފައިވަނީ އޭނާގެ އުމުރުން ވަރަށް ތުއްތުއިރު ކަމަށް ރިޕޯޓްތައް ބުނެއެވެ.
އިމްރާން ހާޝިމީގެ ބައްޕައަކީ މުސްލިމެކެވެ. އަދި އޭނާގެ މަންމަ އަކީ ޕްރޮޑިއުސަރ މަހޭޝް ބަޓުގެ ދެބެންގެ ދެދަރި ކުއްޖެކެވެ.
އިމްރާން ހާޝިމީއަކީ ދީނަށް ލޯބިކުރާ އާއިލާއަކަށް ނިސްބަތް ނުވި ނަމަވެސް ކުޑައިރު ކީރިތި ގުރުއާން ހިތުދަސްކޮށްފައިވާ މީހެއް ކަމަށް ރިޕޯޓުތައް ބުނެއެވެ.
1990 ގެ އަހަރުތަކުގައި ގިނަ ފިލްމްތަކަކުން ފެނިގެންދިޔަ އިމްރާން ހާޝިމީއަކީ އޭނާގެ ފިލްމްތަކުގަައި ގައިގޯޅި މަންޒަރުތަކެއް ކުޅެފައިވާ މީހެކެވެ.
