ބާލީހަކީ ދުވާލުގެ ބުރަ ވަގުތަށް ފަހު އަރާމުކޮށްލަން އެހީވެދޭ ބައިވެރިޔާކަމަށް ވާއިރު، އެ ބާލީސް ސާފުތާހިރުކޮށް ގެންގުޅުމަކީ ނުހަނު މުހިއްމު ކަމެކެވެ. 8 ގަޑިއިރު ބާލީހަށް ބޯ އަރުވައިގެން އޮންނައިރު އޭގެން ހަށިގަނޑަށް ކުރާ ފައިދާ އަދި ނޭދެވޭ އަސަރުތަކާއި މެދު ވިސްނާލަން ޖެހެއެވެ.
ގެންގުޅޭ ބާލީސްތަކުގައި ހުރި ރީނދޫ ކުލައިގެ ލައްތައް އެންމެ ފަހުން ސާފުކުރީ ކޮން އިރަކު ހެއްޔެވެ؟
ބާލީހުގައި އޮންނަ އުރަ ދޮވެލުމަކުން އަދި ބާލީސް މުޅިން ސާފުވީ ކަމަކަށް ނުބެލެވެއެވެ. ބާލީސް ސާފުކުރާނަމަ އޭގެ އެތެރޭގައި އޮންނަ ބައިވެސް ރަނގަޅަށް ސާފުކޮށް ޗެކް ކުރަން ޖެހެއެވެ.
ބާލީސްތައް ރީނދޫވަނީ ކީއްވެ؟
ބާލީސްތައް ރީނދޫވެގެން ދަނީ މައިގަނޑު ގޮތެއްގައި ގައިން ހިއްލާ ދަލުގެ ސަބަބުންނެވެ. ހާއްސަކޮށް ނިދާއިރު ހޫނުވާ މީހުންނަށް މިއީ އާންމު ކަމެކެވެ. ވަގުތުން އެކަން ފާހަގަ ނުވި ނަމަވެސް ކޮންމެ މީހަކަށް ވެސް މިކަން ދިމާވެއެވެ. “ނައު އިޓްސް ކްލީން” ގެ ލޯންޑްރީ އެކްސްޕާޓެއް ކަމަށްވާ ލޮރީ ވިލިއަމްސަން ކިޔައިދިން ގޮތުގައި ނިދާއިރު އަހަރެމެން ދާހިއްލުމުގެ ސަބަބުން ބާލީސްތަކުގައި ރީނދޫ ކުލައިގެ ލައްތައް އުފެދެއެވެ.
ބާލީސްތަކުގައި ރީނދޫ ކުލައިގެ ލައްތައް ހުންނަނީ އަހަރެމެންގެ ހަށިގަނޑުގެ ތެރޭގައި ހިމެނޭ ކެމިކަލެއް ކަމަށްވާ ޔޫރިއާގެ ސަބަބުންނެވެ. ޔޫރިއާ އަކީ ދާހިއްލުމުގެ ސަބަބުން އުފެދޭ ނުރައްކާތެރި ބައިޕްރޮޑަކްޓެކެވެ. ކުޑަކަމުދާ ތަކެތީގައި ވެސް ގިނަ އަދަދަކަށް އެކުލެވިގެންވާ މި ކެމިކަލް މަޑުމަޑުން ގޮސް އަލުން އެމޯނިއާއަށް ބަދަލުވެއެވެ. އެހެންކަމުން، ހަށިގަނޑުގައި އެމޯނިއާ ހުރުމުގެ ސަބަބުން ބާލީސްތަކުގައި ރީނދޫ ކުލައިގެ ލައްތައް އުފެދެއެވެ.
ބާލީސްތަކުން ރީނދޫ ކުލައިގެ ލައްތައް ފިލުވޭނެ!
ރަނގަޅު އުފެއްދުންތަކަކާއެކު، ރަނގަޅަށް ދޮވެ، ހިއްކުމުގެ ޓެކްނޮލޮޖީގެ އެހީގައި، ބާލީސްތަކުން ރީނދޫ ކުލައިގެ ލައްތައް ނައްތާލެވޭނެ އެވެ. މިކަމަށް ގިނަ ބަޔަކު ބްލީޗް ބޭނުންކުރި ނަމަވެސް މިއީ އެންމެ ރަނގަޅު ކަމެއް ގޮތެއް ނޫނެވެ.
ކްލޮރިން ބްލީޗް ގެ ސަބަބުން ހަގީގަތުގައި ވެސް ހަންގަނޑު ރަނގަޅު ކުރުމުގެ ބަދަލުގައި އިތުރަށް ގޯސްވެދާނެ އެވެ.
ކްލޮރިން ބްލީޗްގެ ބަދަލުގައި އޮކްސިޖަން ބްލީޗް ބޭނުންކުރެވިދާނެއެވެ. އޮކްސިޖަން ބްލީޗްގައި ހައިޑްރޮޖަން ޕެރޮކްސައިޑް އަދި ސޯޑިއަމް ކާބޯނެޓް ފަދަ އެކްޓިވް މާއްދާތައް އެކުލެވިގެންވާ އިރު، މިއީ ތިމާވެށީގެ ގޮތުން ރައްކާތެރި އޯގަނިކް ކޮމްޕައުންޑެކެވެ. އޮކްސިޖަން ބްލީޗް ގެ ސަބަބުން އޮކްސިޖަން ބޭރުވެ، ދޮންނައިރު ފޭރާމުން ހަލާކުވުން ކުޑަވެއެވެ.
ތިރީގައި މިވަނީ އޮކްސިޖަން ބްލީޗް ބޭނުންކޮށްގެން ބާލީސްތަކުން ރީނދޫ ކުލައިގެ ލައްތައް ނައްތާލެވިދާނެ ބައެއް ގޮތްތަކެވެ.
ޕައުރަސީ ނެޗުރަލް ސްޓެއިން ރިމޫވާ ފަދަ އެއްޗެއް ބާލީހަށް ސްޕްރޭކޮށް 15 މިނިޓް ވަންދެން ބަހައްޓާށެވެ.
މަޑުމަޑުން ދަތްއުނގުޅާ ބޭހެއް ބޭނުންކޮށްގެން ލައްތކުގައި އުނގުޅާލާށެވެ.
ހޫނު ފެނަށް އޮކްސިޖަން ބްލީޗް ކޮޅެއް އަޅާލުމަށްފަހު އެއްކޮށްލާށެވެ.
އޮކްސިޖަން ބްލީޗް ސޮލިއުޝަންގައި ބާލީސް ބާއްވާލާށެވެ.
މެޝިނުން އާދައިގެ ޓެމްޕަރޭޗަރ އެއްގައި ބާލީސް ދޮވެލާށެވެ.
މިހެން އަމަލުކޮށްފިނަމަ ބާލީސްތަކުން ރީނދޫ ކުލައިގެ ލައްތައް ނައްތާލައި، ސާފުތާހިރުކަމާއި ތާޒާކަން ގެނެސްދޭނެއެވެ.