ތުއްތު ކުދިންގެ ނެޕީ ބަދަލުކުރުމުގެ އެ ކުދިންގެ ކިބައިން މައިންބަފައިން ހުއްދަ ހޯދަންޖެހޭނެކަމަށް ޖިންސީ މާހިރަކު ބުނިކަން އެނގޭހެއްޔެވެ؟
ޑީން ކާސަންގެ ސޯޝަލް މީޑިއާގައި އޭނާގެ ބައޮގްރަފީގައިވާ ގޮތުން “ސެކްޝުއަލިޓީ އެޑިއުކޭޓަރު، ސްޕީކަރ އަދި ރައިޓަރ” އެކެވެ. އޭނާ ދައްކފައިވާާ ވާހަކަތަކުގެ ތެރެއިންވެސް މިޙާތަނަށް ގިނަ ބައެއްގެ ސަމާލުކަން އެންމެ ބޮޑަށް ލިބިފައިވަނީ އޭބީސީއަށް ދިން އިންޓަވިއުއެއްގައި ދެއްކި ވާހަކައަކަށެވެ.
އެގޮތުން އިންޓަވިއުގައި ކާސަން ވަނީ ތުއްތު ކުދިންގެ ނެޕީ ބަދަލުކުރުމުގެ އެ ކުދިންގެ ކިބައިން މައިންބަފައިން ހުއްދަ ހޯދަންޖެހޭނެކަމަށް އޭނާ ދެކޭކަމަށް ބުނެފައެވެ. އަދި ތުއްތު ކުދިންނަށް އަނގަބަހުން ހުއްދަ ދެވެން ނެތްކަން ގަބޫލުކުރި ނަމަވެސް ނެޕީ ބަދަލުކުރުމުގެ ކުރިން ލޮލުގެ ޒަރިއްޔާއިން ނަމަވެސްް ކަށަވަރުކުރަންޖެހޭނެ ކަމަށް އޭނާ ވަނީ ބުނެފައެވެ.
ކޮންސެންޓް (ރުހުން ދިނުމުގެ) ގާނޫނަށް އަލިއަޅުވާލާފައިވާ މި އިންޓަވިއުގެ ބައެއްގައި ކާސަން ވަނީ އެކަން ދެމެހެއްޓުމަށް ކުއްޖާ އުފަންވާ ދުވަހުން ފެށިގެން މައިންބަފައިންވެސް މަސައްކަތް ކުރަންޖެހޭނެ ކަމަށެވެ. އެގޮތުން ނެޕީ ބަދަލުކުރުމުގެ ކުރިން، އެކަމަށް އެދ ކުއްޖާގެ ކިބައިން ހުއްދައަށް އެދެންޖެހޭނެކަމަށް އޭނާ ވަނީ ބުނެފައެވެ.
އަދި ކުއްޖާ ބޮޑީ ލެންގުއޭޖުން ލޮލުގައި އަޅައިގަންނަން މަސައްކަތްކޮށްފި ނަމަ އެ އަނގައިދެނީ އެ ކުއްޖާގެ ޖަވާބަކީ މުހިންމު ކަމެއްކަމަށް ކާސަން ވަނީ ބުނެފައެވެ.
ކާސަންގެ މި ވާހަކަ ގިނަ ބަޔަކަށް ވެފައިވަނީ ޖޯކަކަށެށެވެ. އަދި އޭނާއަކީ މާހިރެއް ނޫންކަމަށާއި، ތުއްތު ކުއްޖަކު ރުހުމަށް ދެކޮޅު ހަދާނީ ކިހިނެތްތޯ ބައެއް މީހުން އަހާފައިވެއެވެ.
މީގެއިތުރުން ކުއްޖާ ރުހުން ނުދީފިނަމަ ދެން ނެޕީ ބަދަލުނުކޮށް ބަހައްޓާނީތޯވެސް ގިނަ ބަޔަކު އަހާފައިވެއެވެ.