ދުބާއީގެ ޕްރިންސެސް ޝައިޚާ މަހްރާ މުޙައްމަދު ރާޝިދު އަލް މަކްތޫމް، ޖުލައި މަހު އިންސްޓަގްރާމް ޕޯސްޓެއްގައި ފިރިމީހާއާ ވަރިވެފައިވާކަން ހާމަކުރުމަށްފަހު، އޭނާގެ އައު ސެންޓު ‘ޑިވޯސް’ ނަމުގައި ތަޢާރަފުކޮށްފިއެވެ.
މި ސެންޓު ނެރުމުގެ ކުރިން، ޕްރިންސެސް ވަނީ ހޯމަ ދުވަހު އިންސްޓަގްރާމް ޕޯސްޓެއްގައި އޭނާގެ ބްރޭންޑް މަހްރާ އެމް1 އިން ނެރޭ މި ސެންޓުގެގެ ޓީޒަރެއް ހިއްސާކޮށްފައެވެ. މި ޕޯސްޓް ވަނީ ސޯޝަލް މީޑިއާގައި ވަރަށް މަޝްހޫރުވެފައެވެ.
މި ޕޯސްޓުގައި، ދުބާއީގެ ވެރިޔާ މުޙައްމަދު ބިން ރާޝިދު އަލް މަކްތޫމްގެ 30 އަހަރުގެ ދަރިކަނބަލުން ވަނީ ‘ޑިވޯސް’ މި ނަން ޖަހާފައިވާ ރީތި ކަޅު ފުޅިއެއް ދައްކާލާފައެވެ.
ޝައިޚާ މަހްރާ މުޙައްމަދު ރާޝިދު އަލް މަކްތޫމް ވަނީ އޭނާ އަމިއްލައަށް ފިރިމީހާ ޝައިޚް މަނާ ބިން މުޙައްމަދު ބިން ރާޝިދު ބިން މަނާ އަލް މަކްތޫމްއާ ކައިރިން ވަރިވިކަން އިންސްޓަގްރާމްގައި ހާމަކޮށްފައެވެ.
ޝައިޚާ މަހްރާ ކައިވެނިކުރެއްވީ ވިޔަފާރިވެރިއެއް ކަމުގައިވާ ޝައިޚް މަނާ ބިން މުޙައްމަދު ބިން ރާޝިދު ބިން މަނާ އަލް މަކްތޫމްއާ 2023 ވަނަ އަހަރުގެ މެއި މަހުއެވެ. އެ ދެ ބޭފުޅުންގެ ދަރިކަނބަލުން އުފަންވީ އޭގެ އަހަރެއް ފަހުންނެވެ.
ޝައިޚާ މަހްރާގެ ބައްޕާފުޅު، ޝައިޚް މުޙައްމަދު ބިން ރާޝިދު އަލް މަކްތޫމްއަކީ ޔޫއޭއީގެ ނައިބު ރައީސް، ބޮޑުވަޒީރު އަދި ދިފާޢީ ވަޒީރެވެ.