ބޮލީވުޑްގެ އެންމެ ލޯބި ކަޕުލްގެ ގޮތުގައި މަޝްހޫރުވެފައިވާ އާލިއާ ބަޓް އަދި ރަންބީރު ކަޕޫރަށް ދަރިއަކު ލިބެނީއެވެ.
މި ދެތަރިން ކައިވެނިކުރީ މިއަހަރުގެ އެޕްރީލް މަހުއެވެ.
އާލިއާގެ ޕްރެގްނެންސީ ލައިފް އާއި ގުޅޭ ގޮތުން މި ދެތަރިންވެސް ދަނީ އެކި މަންސަތަކުގައި ވާހަކަ ދައްކަމުންނެވެ.
އެގޮތުން މިހާރު އެންމެ ފޯރިއާއެކު ދެކެވެނީ އާލިއާ ވިހެއުމުން ދަރި ބަލަން ގޭގައި ހުންނާނީ ކާކުތޯ އާ ދޭތެރޭ އުފެދޭ ސުވާލެވެ.
ރަންބީރު ކަޕޫގެ ގާތް މީހަކު ބުނި ގޮތުގައި އާލިއާ ވިހެއުމުން ޕެޓާރނިޓީ ލީވް އެއް ނަގައި ގޭގައި ދަރިން ބަލަން ހުންނާނީ ރަންބީރެވެ. އަދި ވިހެއުމަށް ފަހު ފިލްމްތަކުގެ މަސައްކަތަށް ނިކުމެވޭ އެންމެ އަވަހަކަށް އާލިއާ ނިކުންނާނެއެވެ.
އެހެންވީމާ ބޭބީ ބަލަން ގޭގައި ހުންނާނީ ރަންބީރު ކަޕޫރެވެ.
