އއ. މަތިވެރިން މީހަކު ގެއްލިގެން ހޯދަން ފަށައިފިއެވެ. އެގޮތުން ގެއްލިގެން ހޯދަމުންދަނީ އއ. މަތިވެރި، ރިވެލި، ހަސަން އަލީ ( މަތިވެރީ ހަސަންފުޅު) ނަމަކަށް ކިޔާ 72 އަހަރުގެ މީހެކެވެ.
މަތިވެރީ ކައުންސިލުން ބުނީ ހަސަން އަލީ ގެއްލިފައި ވަނީ އަންގާރަ ދުވަހުގެ މަޣްރިބް ނަމާދަށް ފަހުކަމަށެއެވެ.
ހަސަން އަލީ ހޯދުމަށްޓަކައި ކައިރި ރަށްތައްވެސް ބަލާފައިވާ ކަމަށާއި މިހާރުވެސް އޭނާ ހޯދުމަށް ގިނަ މަސައްކަތްތަކެއް ކުރަމުން އަންނަ ކަމަށް ކައުންސިލުން ހާމަކުރެއެވެ.
ހަސަން އަލީގެ އާއިލާ އިން ބުނެފައިވަނީ އެންމެ ފަހުން އޭނާ ފެނުނީ މަޣުރިބު ނަމާދުކުރަން މިސްކިތަށް ގޮސް ހުއްޓާ ކަމަށާއި އޭގެ ފަހުން އަދި ހަބަރެއް ނުވާ ކަމަށެވެ.