މިމަހުގެ ހަތަރުވަނަ ދުވަހުން ފެށިގެން ގެއްލިގެން ހޯދަމުންދާ ސ. މަރަދޫ، ގަސްކަރަ، މުޙައްމަދު އާސިރު އިސްމާޢީލް ފުލުހުން ކުރި މަސައްކަތުން ފެނިފައިވާ ކަމަށް ހޯމް މިނިސްޓަރ އިމްރާން އަބްދުﷲ ވިދާޅުވެއްޖެއެވެ.
ހޯމް މިނިސްޓަރ ކުރެއްވި ޓުވީޓެއްގައި ވިދާަޅުވީ، މީގެ ކުޑައިރުކޮޅެއް ކުރިން އާސިރު ފެނިފައިވާ ކަމަށާއި އާސިރު ހޯދުމަށް ފުލުހުން ކުރި މަސައްކަތަށް ޝުކުރު އަދާކުރާ ކަމަށެވެ.
ނަމަވެސް އާސިރު ފެނުނީ ކޮންތާކުން ކަމެއް ކިހިނެއް ކަމެއް މިނިސްޓަރ ވިދާޅެއްނުވެއެވެ. ފުލުހުންވެސް ބުނީ އާސިރު މިރޭގެ ވަގުތެއްގައި ފެނިފައިވާ ކަމަށާއި އޭނަގެ ހާލު ރަނގަޅު ކަމަށެވެ.