މާލޭގެ ރޯޅި ގެސްޓް ހައުސް ބަލާފާސްކޮށް ބަދު އަހުލާގީ ހިންގަން ތިބި ބަޔަކު ހައްޔަރުކޮށްފިއެވެ.
ފުލުހުން ބުނީ މާލޭގައި ރޭ ހިންގި އޮޕަރޭޝަނެއްގައި ހަށިވިއްކާ ކަމަށް ތުހުމަތު ކުރެވޭ މައްސަލައެއްގައި ރޯޅި ގެސްޓް ހައުސް ބަލާ ފާސްކޮށް ހަތަރު މީހުން ހައްޔަރުކޮށްފައިވާ ކަމަށެވެ.
އެގޮތުން ހައްޔަރު ކޮށްފައިވަނީ 43 އަހަރުގެ ދިވެހި ފިރިހެނަކާ 43 އަހަރުގެ ބިދޭސީ ފިރިހެނަކާ 31 އަހަރުގެ ބިދޭސީ އަންހެނެއްގެ އިތުރުން 36 އަހަރުގެ ބިދޭސީ އަންހެނެކެވެ.
ފުލުހުން ބުނީ މިހަތަރު މީހުންގެ ތެރެއިން ބިދޭސީ އަންހެނަކާއި ދިވެހި ފިރިހެން މީހާ ހައްޔަރު ކުރީ ޖިންސީ ގުޅުން ހިންގަމުން ދަނިކޮށް ކަމަށެވެ.
