ވާރޭނުވެހި ގިނަ ދުވަސްތައްވުމާއި ގުޅިގެން ގއ.ހޯނޑެއްދޫގެ އާއްމު ތާނގީތަކުންނާއި ބައެއް ގެތަކުން ވާރޭފެން ވަނީ ހުސްވެފައެވެ. އަދި މިހާރު ވާރޭފެން ހުސްވެފައިވާ ގެތަކުގެ ރައްޔިތުން، ވާރޭފެން ހުރި ގެތަކުން ފެން ނަގަމުންދާތީ އެގެތަކުގައި ރައްކާކުރެވިފައިވާ ވާރޭފެން ހުސްވުމާއި ގާތަށް ވަނީ ގޮސްފައި ކަމަށް ކައުންސިލުން ހާމަކުރެއެވެ.
އެހެންކަމުން ހޯނޑެއްދޫގެ ރައްޔިތުންނަށް ބޯފެން ހަދިޔާ ކުރަން ޝައުގުވެރިވާ ފަރާތްތަކަށް ފުރުސަތު ވަނީ މިހާރު ހުޅުވާލާފައެވެ.
ކައުންސިލުން އެދެނީ ބޯފެން ހަދިޔާ ކުރަން ބޭނުންނަމަ ކައުންސިލްގެ ސެކެރެޓަރީ ޖެނެރަލް މުއާޒު މުހައްމަދު (9192818) ނުވަތަ ކައުންސިލް އެގެޒެކެޓިވް އިނާޔަތުالله އަބުދުއްސައްތާރު ( 7915501 ) ގުޅައިގެން އެކަން ހަމަޖެއްސުމަށެވެ.
