ނ މަނަދޫ ނައީމާ މޫސާ މަރާލި މައްސަލައާއި ގުޅިގެން 21 އަހަރުގެ ފިރިހެނަކު މިރޭ ހައްޔަރުކޮށްފިއެވެ. މިމީހާ ހައްޔަރުކޮށްފައި ވަނީ މާލެއިންނެވެ.
މިއީ ނައީމާގެ މަރުގެ މައްސަލާގައި ފުލުހުން ހައްޔަރު ކުރި ތިން ވަނަ މީހާއެވެ. މިމައްސަލާގައި މިމަހުގެ 26 ވަނަ ދުވަހުވެސް ވަނީ ދެ ފިރިހެނުން ހައްޔަރުކޮށްފައެވެ. އަދި ނައީމާ މޫސާ މަރާލުމަށް ބޭނުންކުރިކަމަށް ބެލެވޭ ތޫނު 2 ހަތިޔާރާއި ހަމަލާދިންވަގުތު އެކަމުގައި ބައިވެރިވި މީހުން ލައިގެންތިބި އަންނައުނު ހޯދާފައިވާ ކަމަށްވެސް ފުލުހުން ވަނީ ހާމަކޮށްފައެވެ.