ނައީމާގެ މަރާ ގުޅިގެން މާލެއިން ހައްޔަރު ކުރި މީހާގެ ބަންދަށް 30 ދުވަސް
ނ މަނަދޫ ނައީމާ މޫސާ މަރާލި މައްސަލައާއި ގުޅިގެން ހައްޔަރު ކުރި 21 އަހަރުގެ މީހާގެ ބަންދަށް ކުރިމިނަލް ކޯޓުން 30 ދުވަސް ޖަހައިފިއެވެ.
މިމީހާ ހައްޔަރުކޮށްފައި ވަނީ މާލެއިންނެވެ.
މިއީ ނައީމާގެ މަރުގެ މައްސަލާގައި ފުލުހުން ހައްޔަރު ކުރި ތިން ވަނަ މީހާއެވެ. މިމައްސަލާގައި މިމަހުގެ 26 ވަނަ ދުވަހުވެސް ވަނީ ދެ ފިރިހެނުން ހައްޔަރުކޮށްފައެވެ. އަދި ނައީމާ މޫސާ މަރާލުމަށް ބޭނުންކުރިކަމަށް ބެލެވޭ ތޫނު 2 ހަތިޔާރާއި ހަމަލާދިންވަގުތު އެކަމުގައި ބައިވެރިވި މީހުން ލައިގެންތިބި އަންނައުނު ހޯދާފައިވާ ކަމަށްވެސް ފުލުހުން ވަނީ ހާމަކޮށްފައެވެ.