މާބަރުކޮށް މުދާ އަރުވައިގެން ލ އަތޮޅުން ފުރައިގެން މާލެ އަށް ދަތުރު ކުރި އުޅަނދެއް، ފުލުހުން ހުއްޓުވައިފިއެވެ.
މެރިން ޕޮލިހުން ބުނީ ރޭ 22:17 އެހާއިރު ލިބުނު މައުލޫމާތަކާއި ގުޅިގެން އުޅަނދުގެ ކައްޕ އާއި ގުޅައި އެންމެ ކައިރި ބަނދަރަކަށް ވެއްދުމަށާއި ދަތުރު ކުރިއަށް ނުގެންދިއުމަށް އެންގި ކަމަށެވެ.
މެރިން ޕޮލިހުން ވަނީ މިދުވަސްވަރަކީ މޫސުން ގޯސް ދުވަސްވަރަކަށްވާތީ އާއި ކަނޑުމަތީގެ ހިތާވެރި ހާދިސާތަކުގައި މުދަލަށް ބޮޑެތި ގެއްލުންތަކެއް ލިބެމުންދާ ދުވަސްވަރަކަށްވާތީ ކަނޑުދަތުރު ކުރާ ފަރާތްތަކުން ރައްކާތެރިކަމުގެ އެންމެހާ ފިޔަވަޅުތައް އެޅުމަށް އިލްތިމާސްކޮށްފައެވެ.
