އެމްއެމްޕީއާރުސީގެ ބޮޑުޚިޔާނާތް ހިންގުމުގައި އިސްކޮށްހުރި އަހުމަދު އަދީބު މާދަމާ ރާއްޖޭން ބޭރަށް ފުރުވާލަން މަސައްކަތް ކުރަމުންދާ ކަމަށާއި އެއީ ނުހަނު ކަންބޮޑުވާ ކަމެއް ކަމަށް އުނގޫފާރު ދާއިރާގެ މެންބަރު މުހައްމަދު ވަހީދު ވިދާޅުވެއްޖެއެވެ.
ވައްޑެ ކުރެއްވި ޓުވީޓެއްގައި ވިދާޅުވީ މިކަމަކީ ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ކެމްޕޭނު ރަސްމީކޮށް ފެށުމުގެ ކުރިން އަދީބު ފުރުވާނުލައިފިނަމަ ކޮށްލާފާނޭ ފަޟީޙަތަކުން ރެކުމަށްޓަކައި ކުރާ ކަމެއްކަމަށް އަޑުއިވޭ ކަމަށެވެ.