ސަރުކާރުގެ ބިންވެރިޔާ ސްކީމުގެ ދަށުން މާލޭ ސަރަޙައްދުން ގޯތިލިބޭ މީހުންގެ ވަގުތީ ލިސްޓަށް މިހާތަނަށް ހުށައަޅާފައިވާ ޝަކުވާތަކުގައި، ވަގުތީ ލިސްޓަށް ބަދަލު އަންނަށް ފަދަ އެއްވެސް ޝަކުވާއެއް ނެތް ކަމަށް ގޯއްޗާއި ފްލެޓް ދޫކުރުމުގެ މަސައްކަތްތަކަށް ސަރުކާރުން އެކުލަވާލައްވާފައިވާ ކޮމިޓީން ބުނެފިއެވެ.
އެކޮމިޓީން މިހެން ބުނެފައިވާއިރު ހިލޭ ގޯތި ލިބޭ މީހުންގެ ލިސްޓްގައި ތިބީ މާލޭގައި ބޮޑެތި ގެއާއި ވިޔަފާރިތައް ހިންގަމުންދާ ބޮޑެތި މަހުޖަނުންނެވެ.
ހިލޭ ގޯތި ލިބޭ ލިސްޓަށް ޝަކުވާ ހުށަހެޅުމަށް މިމަހުގެ 15 ގެ ނިޔަލަށް ފުރުޞަތު ހުޅުވާލާފައިވާއިރު، މިހާތަނަށް 600 އެއްހާ ޝަކުވާ ލިބިފައިވާކަމަށް ކޮމެޓީން ބުނެއެވެ.
ނަމަވެސް މި 600 ޝަކުވާގެ ތެރޭގައިވެސް ވަގުތީ ލިސްޓަށް އެއްވެސް ބަދަލެއް އަންނަ ފަދަ އެއްވެސް ޝަކުވާއެއް ނެތް ކަމަށް ކޮމިޓީން ވަނީ ހާމަކޮށްފައެވެ.
