ޕީޕީއެމް/ޕީއެންސީ ބައިބައި ކުރުމަށްޓަކައި ސަރުކާރުން ކުރެވެން ހުރި ހުރިހާ މަސައްކަތްތަކެއް ދަނީ ކުރަމުން ކަމަށް ޕީއެންސީގެ ރައީސް އަބްދުއް ރަހީމް އަބްދުﷲ (އަދުރޭ) ވިދާޅުވެއްޖެއެވެ.
އަބްދުއް ރަހީމް މިގޮތަށް ވިދާޅުވީ ރައީސް ޔާމީންގެ ކެންޑިޑެސީގެ މައްސަލައިގައި ޕީޕީއެމް/ޕީއެންސީގެ ލީޑާޝިޕްގެ ބޭފުޅުން އިލެކްޝަންސް ކޮމިޝަންގެ މެމްބަރުންނާއި ބައްދަލު ކުރެއްވުމަށް ފަހު މިއަދު ނޫސްވެރިންނަށް މައުލޫމާތު ދެއްވަމުންނެވެ.
އަދުރޭ ވިދާޅުވީ މާލޭގެ މޭޔަރު ޑރ. މުހައްމަދު މުއިއްޒު އަދި މާވަށު ދާއިރާގެ މެމްބަރު މުހައްމަދު ސައީދު ފަދަ ބޭފުޅުންނާ ގުޅޭ ގޮތުން ފާޑު ފާޑުގެ ވާހަކަތައް އަންނާނެ ކަމަށެވެ. އެހެން ނަމަވެސް ގްރާސް ރޫޓް ލެވެލްގައި އެކަން ހިނގި ނަމަވެސް ރައީސް ޔާމީން ނޫން އެހެން ބޭފުޅަކު ވެރިކަމަށް އަންނަން އެއިން އެއްވެސް ބޭފުޅަކު ބޭނުންފުޅުނުވާ ކަމަށް އޭނާ ވިދާޅުވިއެވެ.
