ކުރިއަށް އޮތް ރިޔާސީ އިންތިހާބުގެ ކެމްޕެއިން ފަށާފައި ވަނިކޮށް އިދިކޮޅު ޕީޕީއެމާއި ޕީއެންސީގެ ލީޑަޝިޕުން ޖުމްހޫރީ ޕާޓީގެ ރިޔާސީ ކެންޑިޑޭޓް، ގާސިމް އިބްރާހިމްއާ މިއަދު ބައްދަލުކުރައްވައިފިއެވެ.
އެ ބައްދަލުވުން އޮތީ ގާސިމްގެ ރިސޯޓު ކަމަށްވާ ސަން އައިލެންޑް ރިސޯޓުގައެވެ.
އެ ބައްދަލުވުމާ ގުޅޭ ގޮތުން ޕީއެންސީގެ ރައީސް އަދި އިދިކޮޅު ކޯލިޝަން ހިންގެވުމާ ވަގުތީ ގޮތުން ހަވާލުވެ ހުންނެވި އަބްދުއްރަހީމް އަބްދުﷲ ވިދާޅުވީ ގައުމުގައި ހުރި ބޮޑެތި މައްސަލަތަކާ ގުޅޭ ގޮތުން ޔާމީންގެ ލަފާފުޅާ އިރުޝާދުގެ މަތިން ޕީޕީއެމުން ޖޭޕީގެ ލީޑަރު ގާސިމާ އެކުގައި މުހިންމު ބައްދަލުވުމެއް ބާއްވާފައިވާ ކަމަށެވެ.
އަބްދުއްރަހީމް ވަނީ ގާސިމާއި އެހެނިހެން ބައެއް ބޭފުޅުންނާ އެކު ނަންގަވާފައިވާ ދެ ފޮޓޯއެއްވެސް ހިއްސާ ކުރައްވައިފައެވެ.