ޕީޕީއެމްގެ ރިޔާސީ ކެނޑިޑޭޓް ރައީސް ޔާމީން އަށް އިންސާފު ލިބުން ލަސްވުމުގެ ޒިންމާ ރައީސް އިބްރާހިމް މުހައްމަދު ސޯލިހް އުފުލަން ޖެހޭނެ ކަމަށް ޕީޕީއެމްސީގެ ނާއިބު ރައީސް އަދި ގުރައިދޫ ދާއިރާގެ މެންބަރު މުހައްމަދު ޣައްސާން ވިދާޅުވެއްޖެއެވެ.
ޣައްސާން ކުރެއްވި ޓްވީޓެއްގައި ވިދާޅުވީ ދިވެހި ދައުލަތުގެ އެންމެ އިސްފަރާތަކީ ރައީސުލްޖުމްހޫރިއްޔާ ކަމަށެވެ. ދައުލަތުގެ އެއްވެސް ބާރެއްގެ ހިންގުން ހީނަރު ވިޔަސް އަވަސް ކުރަން ގާނޫނުގެތެރެއިން އެންގުމަކީ ރައީސްގެ މަގާމުގެ މަސްއޫލިއްޔަތެއް ކަމަށް ވިދާޅުވިއެވެ.
“ރައީސް ޔާމީންއަށް އިންސާފް ލިބުން ލަސްވުމުގެ ޒިންމާ ރައީސް ސާލިހު އުފުއްލަވަން ޖެހޭނެ. އަނިޔާވެރިކަން ހުއްޓުވޭނީ ރައީސްއާއި ހިސާބުން.” ޣައްސާން ވިދާޅުވިއެވެ.
