ރައްޔިތުންގެ މަޖިލީހުގެ އިދިކޮޅު ޕީޕީއެމް ޕީއެންސީ އަށް ނިސްބަތްވެވަޑައި ގަންނަވާ ގިނަ އަދަދެއްގެ މަޖިލިސް މެންބަރުންތަކެއް ހައްޔަރުކޮށްފިއެވެ.
ގިނަ އަދަދެއްގެ މަޖިލީހުގެ މެމްބަރުން ހައްޔަރު ކޮށްފައިވަނީ އިދިކޮޅު އެންމެ ބޮޑު ކޯލިޝަނުން ޖުމްހުރީ މައިދާނުގައި ކުރިއަށް ގެންދާ ސުލްހަވެރި އިހުތިޖާޖުގެ ތެރެއިންނެވެ.
ހައްޔަރު ކޮށްފައިވާ ބޭފުޅުންގެ ތެރޭގައި ޕީއެންސީގެ ޕީޖީ ލީޑަރު އާދަމް ޝަރީފް، ނައިފަރު ދާއިރާގެ މެމްބަރު އަދި ޕީޕީއެމްގެ ނައިބު ރައީސް އަހުމަދު ޝިޔާމް، މާވަށު ދާއިރާގެ މެމްބަރު އަދި ޕީއެންސީގެ ނައިބު ރައީސް މުހައްމަދު ސައީދު، މަހިބަދޫ ދާއިރާގެ މެމްބަރު އަހުމަދު ތާރިގު، މާލެ ސިޓީ ކައުންސިލަރ އިބްރާހިމް ޝުޖާއުގެ އަދި މާލެ ސިޓީ ކައުންސިލަރ އަދި ޕީޕީއެމްގެ ސެނެޓަރ، އަހުމަދު އައިފާން ހިމެނެއެވެ.
ޕީޕީއެމުން ބުނީ، މިބޭފުޅުންގެ އިތުރުން ވެސް އެހެން ބޭފުޅުން ވެސް ހައްޔަރު ކޮށްފައިވާ ކަމަށެވެ.