ސްކޫލްތަކުގެ ބޮޑު ޗުއްޓީ ޑިސެމްބަރަށް ބަދަލުކުރަން ނިންމެވީ ކަމާބެހޭ ފަރާތްތަކެއްގެ މަޝްވަރާގެ މަތިން ކަމަށާއި މިގޮތަށް ބަދަލުކުރިއަސް އަހަރުގެ މެދުތެރެއިން ހަތަރު ހަފްތާގެ ޗުއްޓީއެއް ލިބިގެންދާނެ ކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު އަދި މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
ސްކޫލްތަކުގެ ބޮޑު ޗުއްޓީ މިހާރު އަހަރުގެ މެދުތެރެއަށް ބަދަލުކޮށްފައި އޮތްއޮތުން ނިމުމަކަށް ގެންނަވާނެ ކަމަށް ޑރ މުއިއްޒު ވިދާޅުވީ ކުޑަހުވަދޫގައި ބޭއްވި ޖަލްސާގައެވެ. މިއާއެކު ރިސޯޓްތަކުގައި މަސައްކަތް ކުރާ ގިނަ ބައެއްގެ ކަންބޮޑުވުން ލިބިވަޑައިގެންނެވި ކަމަށް ޑރ މުއިއްޒު ވިދާޅުވިއެވެ.
އެކަމަށް އިޝާރާތް ކުރައްވާ ރޭ ފ ނިލަންދޫގައި ބޭއްވި ޖަލްސާގައި ޑރ މުއިއްޒު ވިދާޅުވީ އޭނާގެ ވެރިކަމެއްގައި އަހަރު މެދުތެރެއިން ޖޫން/ޖުލައިގައި ހަތަރު ހަފްތާގެ ބޮޑު ޗުއްޓީއެއް ލިބިގެންދާނެ ކަމަށެވެ. އެހެންކަމުން ޑިސެމްބަރުގައި ލިބޭ ބޮޑު ޗުއްޓީގެ އިތުރުން އަހަރު މެދުތެރެއިންވެސް ޗުއްޓީއެއް ލިބޭނެ ކަމަށް މުއިއްޒު ވަނީ ވިދާޅުވެފައެވެ.
މިގޮތަށް ހަމަޖެއްސުމުން ޓޫރިޒަމް ސެކްޓާގައި މަސައްކަތްކުރާ މީހުންނަށްވެސް އެމީހުންގެ އާއިލާތަކާއެކު ވަގުތު ހޭދަކޮށްލަން ފުރުސަތު ލިބިގެންދާނެ ކަމަށް އިދިކޮޅުގެ ރިޔާސީ ކެންޑިޑޭޓު މުއިއްޒު ވިދާޅުވިއެވެ. އަދި ޓޫރިޒަމް ދާއިރާގައި މަސައްކަތްކުރާ މުވައްޒަފުން އެއްވެސް ވަރަކަށް ކަންބޮޑުނުވުމަށް މުއިއްޒު އެދިވަޑައިގެންނެވިއެވެ.
ޑިސެމްބަރަށް ޗުއްޓީ ބަދަލު ކުރަން ނިންމި ނިންމުމާ ގުޅޭގޮތުން ޑރ މުއިއްޒު ވިދާޅުވީ ކަރިކިއުލަމްގައި ނަގަން ޖެހޭ ފިލާވަޅުތައް ނަގައި ހަމަކޮށްގެން 2025ގެ ޖެނުއަރީން ފެށިގެން އަހަރުގެ ފަހުކޮޅަށް ބޮޑުޗުއްޓީ ބަދަލުކުރެވޭނެކަމަށެވެ.
އަދި ބޮޑު ޗުއްޓީ ޑިސެމްބަރަށް ބަދަލުކުރުމުން ގިނަ ބަޔަކަށް އަނެއްކާ ވެސް ފައިދާވާނެކަމަށާއި އަދި އެއީ އޭނާގެ ސަރުކާރެއްގައި ގެންގުޅުއްވާނެ ސިޔާސަތެއްކަމަށް ވެސް ވިދާޅުވިއެވެ.
ޝަކުވާކޮއް ހޫނު ފެނަށް ވައްޓާލަން ޖާގައެއް ނުދެއްވި ރައްޔިތުންގެ އަޑުވެސް އައްސަވާ ރިސޯޓް ކުދިންގެ މައްސަލައި ގެ ހައްލުވެސް ހޯއްދަވައި ދެއްވައިފ . އިތުރަށް ރިސޯޓް ކުދިން ނަށް އިތުރު ކަންކަން ވެސް ހުށައަޅުއްވައިފި .1 މަސް ދުވަހު ޗުއްޓީ އާއިލާއާއާއެކު ވަގުތު ދޭން ސުކޫލުކުދިންނަށް . ވެސް . މީހަގގީވެރިން ނަށް ވާން ޖެހޭ ފަރާތް ތަކަކީ .
.