އިދިކޮޅު ކޯލިޝަނުގެ ރިޔާސީ އިންތިޚާބުގެ ކެމްޕެއިންގެ އެންމެ ފަހު ހަރަކާތް މިއަދު ހަވީރު ބާއްވަން ނިންމައިފިއެވެ.
އެ ކޯލިޝަނުން ބުނީ މިއީ ޕީޕީއެމް/ޕީއެންސީގެ ލީޑަރޝިޕާއި ދިވެހި ރައްޔިތުން އިންތިޒާމު ކުރާ ހިނގާލުމެއް ކަމަށެވެ.
މި ހިނގާލުން ފެށުމަށް ހަމަޖެހިފައި ވަނީ މިއަދު ހަވީރު 15:45 ގައި އާރޓިފިޝަލް ބީޗުންނެވެ.
މި ހިނގާލުމުގައި ވީހާވެސް ގިނަ ރައްޔިތުން ބައިވެރިވުމަށް އިދިކޮޅު ކޯލިޝަނުން އެދެއެވެ. މާދަމާ އޮންނަ ރިޔާސީ އިންތިހާބުގެ ވޯޓުލުމުގައި ކެމްޕެއިން ކުރުމުގެ އެންމެ ފަހު ގަޑިއަކީ މިއަދު ހަވީރު 18:00 އެވެ.
ޑރ މުއިއްޒުގެ ކެންޑިޑޭޓު ނަމްބަރަކީ 4 އެކެވެ.