އިދިކޮޅު ޕީޕީއެމް/ޕީއެންސީގެ ފަރާތުން 2023 ވަނަ އަހަރުގެ ރިޔާސީ އިންތިޚާބުގައި ވާދަކުރައްވާ ކެންޑިޑޭޓު ޑރ.މުޙައްމަދު މުޢިއްޒު ވޯޓުދެއްވައިފިއެވެ.
ޑރ.މުޢިއްޒު ވޯޓުދެއްވާފައިވަނީ ތާޖުއްދީން ސުކޫލުގައި ހުރި މާފަންނު ދެކުނު ދާއިރާގެ ވޯޓު ފޮއްޓަށެވެ. ޑރ މުއިއްޒު މީގެ ކުޑައިރުކޮޅެއް ކުރިން ވޯޓުދެއްވިއިރު ހެނދުނު ވަނީ ރަނިންމޭޓު ފަރެސްމާތޮޑާ ދާއިރާގެ މެންބަރު ހުސައިން މުޙައްމަދު ލަތީފުވެސް ވޯޓުދެއްވާފައިވެއެވެ.
މިއީ ރާއްޖޭގައި ބޭއްވޭ އެންމެ ގިނަ ކެންޑިޑޭޓުން ވާދަކުރައްވާ ރިޔާސީ އިންތިޚާބެވެ. އެގޮތުން މި އިންތިޚާބުގައި 8 ކެންޑިޑޭޓުން ވާދަކުރައްވައެވެ. އޭގެ ތެރޭގައި ޕާޓީތަކުގެ ޓިކެޓުގައި ވާދަކުރައްވާ 5 ބޭފުޅުންނާއި އަމިއްލަ ގޮތުން ވާދަކުރައްވާ 3 ބޭފުޅުން ހިމެނިވަޑައިގަންނަވައެވެ.