ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ މުހައްމަދު މުއިއްޒު މިރޭ ހުޅުމާލެ ރައްޔިތުންނާއި ބައްދަލު ކުރައްވާ ގޮތަށް ހަމަޖެހިއްޖެއެވެ. ކެމެޕެއިން އޮފީހުން ބުނީ ޑރ މުއިއްޒު މިރޭ ހުޅުމާލެ ރައްޔިތުންނާއި ބައްދަލުކުރުމަށް ހަމަޖެހިފައިވާތީ މި އިވެންޓަށް އެންމެހާ ފަރާތްތަކަށް ދައުވަތު އަރުވާ ކަމަށެވެ.
މި އެއްވުން އޮތީ މިރޭ 20:15 ގައި ހުޅުމާލެ ފޭސް 1 (ފްލެޓް 146 ފުރަގަހުގައި ނެއިބަރހުޑުގަ) ގައި ކަމަށެވެ.
އެންމެ ބޮޑު އަގުލަބިއްޔަތެއް ލިބިގެން ރިޔާސީ އިންތިހާބުގެ ދެވަނަ ބުރަށް ދަތުރުކުރި އިދިކޮޅު ކެންޑިޑޭޓު ޑރ މުއިއްޒު ގެންދަވަނީ ރިޔާސީ ކެމްޕެއިނުގައި ރާއްޖޭގެ ހުރިހާ ކަންކޮޅުތަކެއްގައި ތިބި ދިވެހި ރައްޔިތުންނާ ބައްދަލު ކުރައްވަމުންނެވެ.
