ސާރވޭއަކަށް ކަމަށް ބުނެ އޮޅުވާލައިގެން ދަރިވަރުންގެ އައިޑީކާރޑުގެ ކޮޕީ ހޯދަމުންދާ މައްސަލައެއް ފެންމަތިވެ އެކަމަށް ސަމާލުވުމަށް ފުލުހުން އެދިއްޖެއެވެ.
ފުލުހުން ބުނީ މިފަދަ ރަސްމީ ޑޮކިޔުމެންޓްތަކުގައި ހިމެނޭ ޒާތީ މައުލޫމާތަކީ އެކި އެކި ސްކޭމްތައް ހިންގުމުގައާއި އައިޑެންޓިޓީ ތެފްޓް ފަދަ އަދިވެސް އެހެނިހެން ކުށްތަކަށް އަރައިގަތުމަށް ބޭނުން ކޮށްފާނެ މައުލޫމާތު ހިމެނޭ ޑޮކިޔުމެންޓަކަށް ވުމުން މިފަދަ ތަކެތި ހިއްސާނުކުރުމަށް އިލްތިމާސް ކުރާކަމަށެވެ.
މީހުންގެ ޒާތީ މައުލޫމާތު ހޯދައި އޮޅުވާލައިގެން ފައިސާ ހޯދާ މައްސަލަތައްވެސް ރާއްޖޭގައިވެސް ދޭތެރެދޭތެރެއިން ކުރިމަތިވެއެވެ.
