އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ކެމްޕޭން ނިންމާލުމަށް ބާއްވާ ހިނގާލުން “ދިވެހީންގެނިންމުން” ނަމުގައި މިއަދު ހަވީރު އޮންނާނެއެވެ.
މުޅި ރާއްޖޭގައިވެސް މިހިނގާލުން މިއަދު ހަވީރު ފަށާނީ 3:45 ގައެވެ.
މިހިނގާލުން މާލޭގައި ފަށާނީ އާރޓްފިޝަލް ބީޗް ޕީޕީއެމް އޮފީސް ކުރިމަތިންނެވެ. ހިނގާލުން މާލޭގެ ބޮޑެތި މަގުތަކުގައި ކުރިއަށް ގެންދިއުމަށްފަހު ނިންމާލުމަށް ހަމަޖެހިފައިވަނީ އާރޓްފިޝަލް ބީޗުގައި މުއިއްޒުގެ ވާހަކަ ފުޅަކުންނެވެ.
ރިޔާސީ އިންތިހާބުގެ ދެވަނަ ބުރުގެ ވޯޓުލުން މާދަމާ އޮންނައިރު ވީހާވެސް ހެނދުނާއި ނިކުމެ ވޯޓުލުމަކީ އިދިކޮޅު ލީޑަރޝިޕްގެ ވަރަށް ބޮޑު އެދުމެކެވެ. ފުރަތަމަ ބުރުގައި އެންމެ ގިނަ ވޯޓު ލިބިވަޑައިގަތީވެސް އިދިކޮޅު ކެންޑިޑޭޓު ޑރ މުހައްމަދު މުއިއްޒުއަށެވެ.