އިންތިހާބުތަކާ ދިމާކޮށް ސަރުކާރުގެ އިދާރާތައް ބޭނުންކޮށްގެން އެންޓިކެމްޕެއިން ކުރުމަކީ އިލެކްޝަންސް ކޮމިޝަން (އީސީ)ން ބަލަންޖެހޭ ކަމެއް ކަމަށް ވިލިމާލެ ދާއިރާގެ މެންބަރު އަޙްމަދު އުޝާމް ވިދާޅުވެއްޖެއެވެ.
އުޝާމް މިފަދައިން ވިދާޅުވީ ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުއިއްޒުގެ ދޮންމަންމާފުޅަށް ރާއްޖެއަށް ނާދެވޭ ގޮތަށް ރާއްޖޭގެ ގާނޫނުތަކާ ހިލާފަށް ބްލެކް ލިސްޓުކުރި މައްސަލަ ތަހުގީގުކުރަމުން އަންނަ ކަމަށް އިމިގްރޭޝަނުން ބުނުމާއި ގުޅިގެންނެވެ.
އުޝާމް ވިދާޅުވީ މިއީ ސަރުކާރުގެ އޮފީސްތައް ބޭނުންކޮށްގެން އިންތިހާބަށް ނުފޫޒު ފޯރުވުމަށް ކުރަމުންދާ މަސައްކަތްތަކެއް ކަމަށެވެ.
އޭނާ ކުރެއްވި ޓްވީޓެއްގައިވަނީ ގާނޫނާ ހިލާފަށް ކަމެއް ހިނގާފައިވާކަމަށް ދެކޭނަމަ ވޭތުވެދިޔަ 5 އަހަރު އެ މައްސަލަ އިމިގްރޭޝަނަށް ހުށަނޭޅީ ކީއްވެތޯ ސުވާލުކުރައްވާފައެވެ.