މިހާރު ޖަލުގައި އޮންނެވި ކުރީގެ ރައީސް ޔާމީން މިހާރުން މިހާރަށް ގެއަށް ބަދަލުކޮށްދެއްވުމަށް އިންތިހާބީ ރައީސް ޑރ މުހައްމަދު މުއިއްޒު ރައީސް ސާލިހަށް ގޮވާލައްވައިފިއެވެ.
ރިޔާސީ އިންތިހާ ކާމިޔާބު ކުރައްވާ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން އިންތިހާބީ ރައީސް ޑރ މުއިއްޒު ވިދާޅުވީ ރައީސް ޔާމީން ޖަލުގައި އޮންނެވީ ނުހައްގުން ކަމަށެވެ.
“ރައީސް ސާލިހު ގާތު ވަރަށް އިހުލާސްތެރިކަމާއި އަދަބުވެރިކަމާއެކު ދަންނަވާލަން އަޅުގަނޑުމެންގެ ލޮބުވެތި ރައީސް، ރައީސް ޔާމީން ގެއަށް ބަދަލުކޮށްދެއްވުމަށް” މުއިއްޒު ވިދާޅުވިއެވެ. ޔާމީން ގެއަށް ބަދަލުކޮށްދެއްވުމަކީ ގާނޫނީ ގޮތުން ރައީސަށް ކުރެއްވޭނެ ކަމެއް ކަމަށާއި އަދި އެއީ ގައުމަށްވެސް އޮތް އެންމެ ރަނގަޅު ގޮތް ކަމަށް މުއިއްޒު ވިދާޅުވިއެވެ.
