އިންތިޚާބީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ހޮނިހިރު ދުވަހު ހުޅުމާލެ ފޭސް 1 ގައި ދިރިއުޅޭ ރައްޔިތުންނާ ބައްދަލުކުރައްވާ ގޮތަށް ހަމަޖެހިއްޖެއެވެ.
ޕްރޮގްރެސިވް ކޮންގްރެސް ކޯލިޝަނުން ބުނީ އިންތިޚާބީ ރައީސް ޑރ.މުޢިއްޒު ހުޅުމާލެ ފޭސް 1 ގެ ރައްޔިތުންނާ ބައްދަލުކުރެއްވުމަށް ހަމަޖެހިފައިވަނީ މި މަހުގެ 28 ވާ ހޮނިހިރު ދުވަހު ހަވީރު 16:00 ގައި ހުޅުމާލެ ސެންޓްރަލް ޕާކުގައި ކަމަށެވެ.
މީގެ ކުރިން މިމަހުގެ 20 ވަނަ ދުވަހު ހަވީރު ޑރ.މުޢިއްޒު ވަނީ ހުޅުމާލެ ދެވަނަ ފޭސްގެ ރައްޔިތުންނާ ވެސް ބައްދަލުކުރައްވައިފައެވެ.
އިންތިހާބީ ރައީސް އަންނަ ނޮވެމްބަރު 17 ވަނަ ދުވަހު ހުވާކުރައްވާއިރު ރިޔާސީ އިންތިހާބު ކާމިޔާބު ކުރައްވާ ޑރ މުއިއްޒު ގެންދަވަނީ މާލެ ސަރަހައްދުގައި ދިރިއުޅުއްވާ ރައްޔިތުންނާ ބައްދަލުކުރައްވަމުންނެވެ.