ރޭ ހުޅުމާލޭގައި މަންމަޔަށް ތޫނުއެއްޗަކުން ހަމަލާދީ ޒަޚަމްކޮށްލީ ނަފުސާނީ ބަލި މީހެއް ކަމަށް ފުލުހުން ބުނެފިއެވެ.
ފުލުހުން ބުނީ މިހަމަލާގައި ޒަޚަމްވެފައިވަނީ 51 އަހަރުގެ އަންހެނެއް ކަމަށާއި، އަންހެން މީހާގެ ހާލު ސީރިއަސްކަމަށެވެ. އަންހެން މީހާއަށް ހުޅުމާލޭ ހޮސްޕިޓަލްގައި އަންނަނީ ފަރުވާދެމުންނެވެ.
ފުލުހުންގެ ޚިދުމަތުން ބުނީ ހުޅުމާލޭ ފޭސް 1ގެ ފްލެޓެއްގައި، ހިނގި މިމައްސަލަ ރިޕޯޓްކޮށްފައިވަނީ، ރޭ 18:50 ހާއިރުކަމަށެވެ. އަދި ހަމަލާދިން ނަފުސާނީ ބަލި މީހާ ހޮސްޕިޓަލަށް ގެންގޮސް ފަރުވާ ދިނުމަށް މަސައްކަތް ކުރަމުންދާ ކަމަށްވެސް ފުލުހުން ބުނެއެވެ.
